“Meydan” TV İnternet resursu ilə əməkdaşlıq edən jurnalist Aynur Elgünəş ölüm təhlükəsi ilə üzləşdiyini bildirib. O, özünün Facebook səhifəsində yazıb ki, oktyabrın 4-də günorta bir şikayətçi zəng edib deyib ki, “Azərbaycan İnformasiya Agentliyi”ndən (aia.az) onu şantaj edirlər.
“Şikayətçi bildirdi ki, ona Elnarə adlı qadın telefon edib və deyib ki, Cənnət Cənnətova (redaktor) pul gətirməlidir, əks halda onunla bağlı materiallar yayımlanacaq. Şikayətçi Cənnət adlı şəxsin telefon nömrəsini verdi”, - A.Elgünəş yazıb.
Jurnalist məsələni araşdırmaq üçün həmin nömrəyə telefon edib və özünü təqdim edib.
“Cavab verən şəxs harada işlədiyimi soruşdu, sonra dəstəyi asdı. Beş dəqiqədən sonra təkrar telefon edərək məni təhqir etdi, İsa Qəmbəri, “Meydan” TV-ni söyməyə başladı. Dedi ki, “sizin kimi müxalifətçiləri rədd etmək lazımdır”. Sonra bildirdi ki, onun agentliyi Mətbuat Şurasına tabedir”, - A.Elgünəş yazıb.
Lakin Mətbuat Şurasının rəhbəri Əflatun Amaşov A.Elgünəşin sorğusuna cavab olaraq bildirib ki, belə media orqanı tanımır. O, oktyabrın 10-da Bakıya qayıtdıqdan sonra məsələni araşdıracağını vəd edib.
Mətbuat Şurasının digər üzvü Müşfiq Ələsgərli qeyd edib ki, Azərbaycan adı ilə mətbu orqan yaratmaq qadağandır, məqsəd “Azərbaycan” qəzetinin dublikatını çıxarmaqdır. M.Ələsgərli məsləhət görüb ki, A.Elgünəş Mətbuat Şurasına yazılı müraciət etsin.
A.Elgünəşə telefon zəngləri davam edib. “10-cu zəngdən sonra cavab verdim. O söydü, təhdid etdi. Səsini diktofona yazdım. Nömrəsini bloka atdım, bundan sonra müxtəlif nömrələrdən, əsasən görünməyən nömrələrdən zənglər gəldi. Sonuncu zəngində isə dedi ki, həyatım onun əlindədir. Hətta dedi ki, mənə görə əsəbləşib maşınını vurub, bunun xərcini ödəməliyəm”, - A.Elgünəş yazıb.
Jurnalist DİN-in 102 xidmətinə şikayət edib. Oktyabrın 5-də isə ərizə ilə polisə müraciət edib.
Onun sözlərinə görə, diktafon qeydlərini saxlayıb və təhqiramiz ifadələri verməməklə onları dərc etmək niyyətindədir.
Jurnalistin vəkili Elçin Sadıqov Turan-a bildirib ki, bu hədələr tamamilə realdır. “Biz Baş Prokurorluğa müraciət edəcəyik. Bu şəxsin adı məlumdur. Əgər biz bunu açıqlamasaydık təhdidlər həyata keçirilə bilərdi. Burada cinayət əlamətləri var: jurnalistin peşə fəaliyyətinə əngəl törətmək və ölüm hədəsi”, - vəkil vurğulayıb.
“Azərbaycan İnformasiya Agentliyi”nin redaksiyasından Turan-ın sorgusuna cavab olaraq əksinə A.Elgünəşi təxribat və böhtanda ittiham ediblər, bununla bağlı bəyanat yayılacağını bildiriblər. Lakin bəyanat hələ ki yoxdur.
DİN mətbuat xidmətindən bildirilib ki, jurnalistin şikayəti araşdırılacaq.—16B06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz