![Jurnalist Elçin Həsənov DİN Baş Mütəşəkkil Cinayətkarlıqla Mübarizə İdarəsinə çağırılıb](https://turan.az/resized/media/2015/main/102900134568-750-500-resize.webp)
Jurnalist Elçin Həsənov DİN Baş Mütəşəkkil Cinayətkarlıqla Mübarizə İdarəsinə çağırılıb
Sumqayıtda nəşr edilən “Yüksəliş naminə” qəzetinin baş redaktor müavini Elçin Həsənov bu gün Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə çağırılıb. Bu barədə Turan-a hüquq müdafiəçisi Elçin Məmməd bildirib.
Mənbənin məlumatına görə, idarədən jurnalistə telefon edərək ifadə vermək üçün gəlməsini istəyiblər. Lakin səbəbləri məlum deyil.
E.Həsənov bu ilin aprel ayında AŞPA sesiyasında iştirak etmək üçün Strasburqa gedərkən sərhəd-keçid məntəqəsində saxlanılıb və Qazax RPŞ əməkdaşları tərəfindən qanunsuz hərəkətlərə məruz qalıb.Bu barədə DİN-ə edilən şikayətdən sonra bildirilib ki, E.Həsənovun barəsində Nizami Rayon Polis İdarəsində CM-nin 221.1 maddəsi (xuliqanlıq) ilə cinayət işi başlanılıb və istintaq aparılır.
Lakin cinayət işinin hansı səbəbdən və kimin şikayəti əsasında açılması barədə jurnalistə məlumat verilməyib.—06D--
-
- İqtisadiyyat
- 29 Oktyabr 2015 12:16
-
- Siyasət
- 29 Oktyabr 2015 12:42
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz