Jurnalist Elçin Həsənovun işi üzrə hökm iyulun 27-də oxunacaq
Bazar ertəsi Bakı Apellyasiya Məhkəməsində (BAM) Əflatun Qasımovun sədrliyi ilə xuliqanlıq ittihamı ilə bir il islah işlərinə məhkum edilmiş jurnalist Elçin Həsənovun işi üzrə iclas keçirilib.
Prokurorluq hökmə etiraz edib və ittihamı 221.1-ci (xuliqanlıq) maddədən 221-3-cü (xuliqanlıq, soyuq silahdan istifadə ilə törədildikdə) maddəyə tövsif edilməsini və cəzanın 3,5 il azadlıqdan məhrumetmə ilə əvəz olunmasını tələb edib.
Vəkil jurnalistə bəraət verilməsini istəyib.
Bugünki iclasda Həsənov özü çıxış edib və təqsirsiz olduğunu bildirib.
“Asiya” agentliyinin rəhbəri Cəfər Cəfərovla onun arasındakı insidentə səbəb Həsənov barəsində təhqiredici nəşrlər olub. Jurnalist bir daha bildirib ki, Cəfərovu döyməyib və o, özü birinci instansiya məhkəməsində bunu təsdiq edib.
Həsənov Sumqayıtın “Yüksəliş naminə” internet qəzetinin (yukselis.info) redaktor müavinidir. Bundan başqa, AXCP Ali Məclisinin üzvü və “Sumqayıt Gənclərinin Hüquqi Maarifləndirilməsi” QHT-nin sədr müavinidir. Həsənova qarşı cinayət işinin başlaması onun korrupsiya və orduda mənimsəmə mövzusunda nəşrləri ilə eyni vaxta təsadüf edib. -06С-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz