Jurnalist Elçin Həsənovun işi üzrə məhkəmədə
Cümə günü Bakı Apellyasiya Məhkəməsində (BAM) Əflatun Qasımovun sədrliyi ilə xuliqanlıq ittihamı ilə bir il islah işlərinə məhkum edilmiş jurnalist Elçin Həsənovun işi üzrə iclas keçirilib.
Vəkil Fariz Namazlı təqsiri sübuta yetirilmədiyinə görə Həsənova bəraət verməyi xahiş edib.
Öz növbəsində, prokuror ittihamın CM-in 221.1-ci (xuliqanlıq) maddəsindən 221.3-cü (xuliqanlıq, soyuq silahdan istifadə ilə törədildikdə) maddəsinə tövsif edilməsini və cəzanın 3,5 il azadlıqdan məhrumetmə cəzası ilə əvəz edilməsini tələb edib.
Lakin vəkil dövlət ittihamçısının diqqətini birinci instansiya məhkəməsində bu məsələnin təhqiq edildiyinə və 221.3-cü maddə üzrə ittihamın ləğv edildiyinə çəkib.
Apellyasiya Məhkəməsinin hökmünün elan edilməsi 25 iyul saat 15:00-a təyin edilib.
Bu arada, Vətəndaş Cəmiyyətini Müdafiə Komitəsi (VCMK) Apellyasiya Məhkəməsini jurnalistə bəraət verməyə çağırıb. Komitə məhkəməyə müraciətində Həsənovun işi üzrə istintaq zamanı Avropa İnsan Hüquqları Konvensiyasının müddəalarının kobud şəkildə pozulduğunu bildirib. İşin DİN-in Mütəşəkkil Cinayətkarlığa qarşı Mübarizə Baş İdarəsində aparılması kobud pozuntudur. İttihamın hüquqi əsası yoxdur və işdə hadisə şahidləri yoxdur.
Həsənov özü hesab edir ki, o, jurnalist və müxalifətçi kimi fəaliyyətinə görə təqib olunur. O, Sumqayıtın “Yüksəliş naminə” internet qəzetinin (yukselis.info) redaktor müavinidir. Bundan başqa, o, AXCP Ali Məclisinin üzvü və “Sumqayıt gənclərinin hüquqi maarifləndirilməsi” QHT-nin sədr müavinidir. Həsənova qarşı cinayət işinin açılması onun orduda korrupsiya və mənimsəmələr mövzusunda nəşrləri ilə eyni vaxta təsadüf edib. -06D-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 197
Rəy yaz