Əli Həsənov – mətbuat azadlığı olmadan inkişaf olmaz
Hakimiyyət iyulun 22-də - Milli Mətbuat Günündə keçirdiyi tədbirə müstəqil və müxalif mətbuat nümayəndələrini dəvət etməyib.
Tədbirdə çıxış edən dövlət başçısının köməkçisi Əli Həsənov inandırıb ki, Azərbaycanda müstəqil KİV-in azad fəaliyyəti üçün hər cür şərait yaradılıb.
Onun sözlərinə görə, KİV azadlığı və fikir plüralizmi olmadan Azərbaycanın inkişaf perspektivi yoxdur. Sübut kimi o, son illər hakimiyyətin KİV-in ehtiyacları üçün 50 mln. manat ayırdığını bildirib. Bundan başqa, mətbuat orqanlarına dəfələrlə birdəfəlik maliyyə yardımı göstərilib, borcları silinib. Jurnalistlər üçün yaşayış evi tikilib və daha bir ev tikilir, deyə Həsənov bildirib.
Qeyd edək ki, Azərbaycan bütün beynəlxalq mətbuat azadlığı reytinqlərində son yerlərdən birini tutur. Ölkə həbsdə olan jurnalist və blogerlərin sayına görə Avropada liderdir. Ölkənin mətbuat sahəsindəki qanunvericiliyi mürtəce hesab olunur və dəfələrlə sərtləşdirilmə istiqamətində dəyişdirilib.
Ölkədə müstəqil plüralist tele və radiokanal yoxdur, internetdə və sosial şəbəkələrdə ifadə azadlığı isə çox vaxt blogerlərin xüsusi xidmətlər tərəfindən təqibinə səbəb olur. -02D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz