«Naradaran işi» üzrə məhkəmə istintaqı avqustun 3-də başlayacaq

Bu gün Bakı Ağır Cinayətlər Məhkəməsində “Müsəlman Birliyi” hərəkatının lideri Taleh Bağırzadə, AXCP sədr müavini Fuad Qəhrəmanlı və digər 16 nəfərin işi üzrə hazırlıq iclası başa çatıb. “Nardaran işi” adlandırılan iş üzrə proses hakim Əlövsət Abbasovun sədrliyi ilə keçirilir.

İclasda bəzi müttəhimlərin vəkilləri onlar barəsində həbs qətimkan tədbirinin ev dustaqlığı ilə əvəz edilməsi barədə vəsatətlə çıxış ediblər. Amma məhkəmə bu vəsatətləri təmin etməyib və işin mahiyyəti üzrə iclası avqustun 3-nə təyin edib.

Bağırzadə bir qrup tərəfdarı ilə birlikdə 2016-cı il noyabrın 26-da Nardaran qəsəbəsində həyata keçirilən xüsusi əməliyyat zamanı saxlanılıb. Onlar CM-in bir sıra maddələri, o cümlədən qətl, konstitusiya dövlət quruluşunun devrilməsinə cəhd, qanunsuz silah saxlamaq və s. ilə ittiham olunurlar. Qəhrəmanlı kütləvi iğtişaşlara çağırışlarda, dövlət əleyhinə çağırışlarda, dini ayrı-seçkilik salmaqda ittiham olunur. İstintaq Qəhrəmanlını İnternetdəki ifadələrinə görə ittiham edir. -06D-