Bakı/18.09.17/Turan: Bu gün Şəki Ağır Cinayətlər Məhkəməsində jurnalist Elçin İsmayıllının işi üzrə prosesdə müttəhimə ittiham oxunub.
Məhkəmə onu CM-in 182 (hədə-qorxu yolu ilə pul tələb etmək), 308 (vəzifədən sui-istifadə) və 311 (rüşvət almaq) maddələri ilə təqsirli bilərək 9 il azadlıqdan məhrum edib. Bundan öncə prokuror onun 10 il azadlıqdan məhrum edilməsini istəmişdi.
Vəkil Elçin Sadıqov Turan-ın müxbirinə hökmün "əsassız və qanunsuz" olduğunu bildirib. O deyib ki, məhkəmə istintaqında jurnalistin günahını sübut edən səhih dəlillər təqdim edilməyib.
Müdafiə tərəfi hökmdən apellyasiya verəcək.
Jurnalist bu ilin fevralında həbs olunub. İttihama görə, jurnalist mədəniyyət və turizm şöbəsinin rəisi Azər Abbasovdan pul tələb edib. A.Abbasov Dövlət Təhlükəsilik Komitəsinə müraciət edib və qurumun əməkdaşları jurnalisti həbs ediblər.
Müdafiə tərəfinin məlumatına görə, əslində həmin pul borc kimi verilib.-06B--
Cəmiyyət
-
Daxili İşlər Nazirliyinin Kibercinayətkarlıqla Mübarizə Baş İdarəsi sosial şəbəkələrin Azərbaycan seqmentində onlayn qumar oyunları təşkil edən dəstənin üzvlərinə qarşı genişmiqyaslı əməliyyat keçirib.
-
Sentyabrın 21-də Bakıda və Abşeron yarımadasında tutqun hava şəraiti üstünlük təşkil edəcək. Gecə və səhər bəzi yerlərdə arabir yağış yağacağı, gündüz dəyişkən buludlu olacağı, əsasən yağıntının olmayacağı gözlənilir. Şimal-qərb küləyi gündüz şimal-şərq küləyilə əvəz olunacaq. Havanın temperaturu gecə müsbət 14+18, gündüz müsbət 22+25 dərəcə olacaq, Milli Hidrometeorologiya Xidməti bildirib.
-
Bu gün "Əsrin müqaviləsi"nin imzalanmasından 30 il ötür. Müqavilənin imzalandığı tarix həm də Azərbaycanda neft-qaz sənayesi işçilərinin peşə bayramı – "Neftçilər Günü" kimi qeyd olunur.
-
Sentyabrın 10-da gecə saatlarında Dövlət Sərhəd Xidmətinin Sahil Mühafizəsi tərəfindən Xəzər dənizinin cənub hissəsində İran istiqamətində hərəkət edən naməlum üzmə vasitəsi aşkar olunub. Sərhəd gəmisi dərhal həmin istiqаmətə göndərilib, sahil xəttinin qapadılması üzrə təxirəsalınmaz tədbirlər görülüb və təqibetmə əməliyyatına başlanılıb.
Rəy yaz