Bakı/09.11.18/Turan: Jurnalist İlkin Məmmədli saxlanılıb. Bu baradə hüquq müdəfiəçisi Sanirə Ağayeva bildirib.
Dünən saat 17.00-da jurnalist İlkin Məmmədli Bakıxanov qəsəbəsindəki Asan xidmətində xarici pasport alması üçün getmisdir. Orada ona bildirdilər ki, pasport verilməyəcək, çünki ölkədən çıxışına qadağa qoyulub. Onu mühafizə otağına apararaq orada Sabunçu rayonun 13-cu polis bölməsinin əməkdaşlarının gözlənməsi xahiş olundu.
Təxminən 15 dəqiqədən sonra o, polis bölməsininə aparılaraq bir saatdan sonra DİN Baş Mütəşəkkil Cinayətkarlıqla Mübarizə İdarəsinə təhvil verilməsi bildirildi.
Axşam saat 19-20 arasında atası və vəkili da İdarənin qabağına gəldilər. Sonda o, növbətçi hissəyə təhvil verildi və oradan bildirdilər ki, gecə orada qalacaq.
Bu gün saat 11.00-də vəkili və atası yenə İdarədən xəbər almağa çalışdılar. Vəkil nə ora buraxılmadı, nə də hansısa məlumat verilmədi.
İndiyənə qədər İlkinin hansı vəziyyətdə və dəqiq nəyə görə saxlanması və heç bir məlumatın verilməməsi ailə üzvlərinin ciddi narahatlığına səbəb olur.
Məlumat ombudsman aparatına, 102 xidmətinə çatdırılıb.
İlkin Məmmədli Nardaran hadisələri zamanı 22 sutka tutulmuşdur və bütün məhkəmələrə şahid qismində dəvət edilmişdir.-0--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz