Bakı/04.08.17/Turan: Avqustun 4-də Sumqayıt Apellyasiya Məhkəməsində jurnalist İkram Rəhimovun işgəncə iddiası üzrə məhkəmə prosesi başlayıb.
Jurnalist Sumqayıt Şəhər Polis İdarəsində ona işgəncə verildiyini iddia edir. Ancaq əvvəlcə prokurorluq, ardınca isə Sumqayıt Şəhər Məhkəməsi bu iddiaları rədd ediblər.
Sumqayıt Apellyasiya Məhkəməsi şəhər məhkəməsinin qərarından verilmiş şikayətə baxır.
Bugünkü prosesdə jurnalistin vəkili Elçin Sadıqov çıxış edib. Vəkil şəhər məhkəməsinin qərarının qanunsuz olduğunu bildirib. O deyib ki, şəhər məhkəməsi müraciətlərinə onlara xəbər vermədən baxıb.
"Sumqayıt Şəhər Məhkəməsinin hakimi İlqar Məmmədov bizə xəbər verməyib. Faktiki gizli məhkəmə iclası keçirməklə şikayətimizi təmin etməyib", - vəkil bildirib.
O, məhkəmə qarşısında bir neçə vəsatət qaldırıb. Vəsatətlər işgəncənin baş verib-verməməsini aydınlaşdırmaq üçün gərəkli xüsusatların müəyyən edilməsi məqsədi ilə verilib.
Ancaq hakim Fərmayıl Zeynallı vəsatətlərin birini təmin edib. Təmin olunan vəsatətə əsasən, Sumqayıt Şəhər Polis İdarəsinin rəis müavini Hikmət Qasımov və idarənin Kənan adlı əməkdaşı məhkəmədə ifadə verməlidirlər.
Məhkəmə avqustun 9-na təxirə salınıb.
Realliq.az saytının redaktoru İkram Rəhimov 2016-cı ildə Sumqayıtdakı "Ucuz market" Ticarət Mərkəzinin rəhbərinin xüsusi ittiham qaydasında şikayəti əsasında həbs olunub. İ.Rəhimov həmin Ticarət Mərkəsinin rəhbərinin şəhərin icra hakimiyyəti başçısına rüşvət verməsi haqqında vətəndaş R.Novruzovun şikayət məktubunu dərc edib.
Sumqayıt Şəhər Məhkəməsi ötən ilin noyabrında həm jurnalisti, həm də ona şikayət məktubu yazan Rəhman Novruzovu Cinayət Məcəlləsinin 147.1-ci (böhtan) maddəsi ilə günahkar bilərək bir il azadlıqdan məhrum edib.
Jurnalist mühakimə edildikdən sonra vəkili vasitəsilə bildirib ki, hələ polisdə saxlanılarkən ona işgəncə verilib.
Daxili İşlər Nazirliyi, eləcə də Sumqayıt Şəhər İcra Hakimiyyəti jurnalistin bu fikirlərini təkzib ediblər.
Ancaq jurnalistin vəkilləri işgəncə iddialarının araşdırılmasından ötrü hüquq- mühafizə qurumlarına ayrıca müraciət ediblər.
Qeyd edək ki, Sumqayıt Apellyasiya Məhkəməsi martın 1-də böhtanda təqsirləndirilərək həbs edilmiş jurnalisti və mediaya müraciət yazmış vətəndaş Rəhman Novruzovu məhkəmə zalından azadlığa buraxıb.-0-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz