Bu gün Ağır Cinayətlərə dair İşlər üzrə Məhkəmədə azadxeber.org saytının baş redaktoru Nicat Əliyevin və 9 dindarın işi üzrə növbəti iclasda yekun çıxışlar başlayıb.
Xatırladaq ki, Əliyev 234.1 (qanunsuz narkotik saxlama), 167-2.2.1 (bir qrup şəxs tərəfindən dini ədəbiyyat yayılması), 281.2 (hakimiyyətin zorla ələ keçirilməsinə və konstitusiya quruluşunun dəyişdirilməsinə çağırışlar) və 283.2.2-ci (milli, irqi və dini ayrı-seçkiliyin salınması) maddələrlə ittiham olunur.
Əliyev və digər 9 dindar 2012-ci ili may ayında “Eurovision-2012” mahnı müsabiqəsi ərəfəsində cinayət məsuliyyətinə cəlb edilib. Onlar Azərbaycan hakimiyyətinin siyasətinə tənqid və gey parad keçirilməsinə etiraz yer alan vərəqələr və videodisklər yaymaqda ittiham olunublar.
Noyabrın 13-də keçirilən iclasda N.Əliyevin vəkilləri Yalçın İmanov və Əbil Bayramov məhkəməni təqsiri sübuta yetirilmədiyi üçün N.Əliyevə bəraət verməyə çağırıblar.
Bundan başqa, vəkillər məhkəmədən Yasamal rayon polis idarəsinin müstəntiqi Canəli Nuriyev və Baş Prokurorluğun Ağır Cinayətlərə dair İşlər üzrə İstintaq İdarəsinin müstəntiqi Mehdi Mirzəyev barəsində xüsusi qərar çıxarılmasını istəyiblər. Müdafiə tərəfin fikrinə görə, onlar işi saxtalaşdırıblar.
Müdafiə tərəfi həmçinin jurnalistin üzərinə narkotik qoymuş və ona qarşı işgəncəyə yol vermiş – iki dişini qırmış Yasamal rayon 27-ci polis şöbəsinin əməkdaşlarının məsuliyyətə cəlb edilməsində israr edir.
Prosesdə daha iki təqsirləndirilən şəxsin vəkilləri çıxış ediblər. Onlar da məhkəmədən müvəkkillərinə bəraət verilməsini istəyiblər.
Digər vəkillərin çıxışları noyabrın 21-də keçiriləcək növbəti iclasda olacaq.
Müttəhimlər onlara qarşı irəli sürülmüş ittihamları təkzib edirlər. Onlar məhkəmədə polis şöbəsində işgəncələrə məruz qaldıqlarını bildiriblər.
Jurnalist təşkilatları Nicat Əliyevin ifadə azadlığına görə təqib edildiyini hesab edirlər. -06С-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz