ANS telekanalının jurnalisti Qənirə Ataşovanın Azərbaycandan çıxışına qadağa qoyulub. Vəkil Elçin Sadıqovun Turan-a verdiyi məlumata görə, bu məhdudiyyət telekanala qarşı 214.2-ci (terrorçuluğa çağırış, terrorun təbliği) maddə ilə aparılan cinayət işi ilə bağlıdır.
Maraqlıdır ki, telekanal rəhbərləri ilə bağlı belə bir məhdudiyyət yoxdur.
Vəkilin sözlərinə görə, cinayət işinin nə vaxt açıldığı da məlum deyil.
Ataşova qadağa barədə 2016-cı il oktyabrın 27-də İstanbula uçmaq istəyərkən öyrənib. Vəkilin sözlərinə görə, Ataşova telekanalda müqavilə ilə işləyirdi və heç bir vəzifə tutmurdu.
Ataşova hüquqlarının məhdudlaşdırılması haqqında qərardan məhkəmə nəzarəti qaydasında şikayət verib.
Maraqlıdır ki, bütün bu müddət ərzində telekanalın rəhbərliyi baş verənlər haqqında danışmır və əməkdaşlarının hüquqlarının pozulması barədə heç nə demir. Bu hökumətyönlü telekanal ənənəvi olaraq hakimiyyətlə razılıq əldə edəcəyinə ümid edir və heç vaxt beynəlxalq təşkilatlara şikayət etmir.
Son illər bu kanal hər il İlham Əliyevi və onun ailə üzvlərini “ilin adamı” elan edərək, bunun telekanalın mövcudluğunun zəmanəti olduğunu güman edirdi.
Qeyd edək ki, ANS telekanalı bu ilin iyulunda Türkiyədə dövlət çevrilişinə cəhddən sonra bağlanıb. Azərbaycan hakimiyyəti telekanalı terrorizmi dəstəkləməkdə və Ankaranın dövlət çevrilişinə cəhdin təşkilində ittiham etdiyi türk ilahiyyatçı Fətullah Gülənə efir verməkdə ittiham edib.
Həmin vaxt telekanal rəhbərləri Baş Prokurorluğa dindirməyə çağırılırdı.
Ataşova ABŞ-da xidməti ezamiyyətdə olarkən Güləndən müsahibə götürmüşdü. -05C06-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz