Bakı Ağır Cinayətlər Məhkəməsində jurnalist Rasim Əliyevn ölümündə ittiham edilən bir qrup şəxsin məhkəmə prosesi başlayır.
Hazırlıq iclası 5 yanvar saat 15:00-a təyin edilib. İclas hakim Eldar İsmayılovun sədrliyilə keçiriləcək. Bu barədə Turan-a məhkəmədən bildirilib.
Reportyorların Azadlıq və Təhlükəsizliyi İnstitutunun üzvü Rasim Əliyev avqustun 8-də futbolçu Cavid Hüseynovun qohumları tərəfindən amansızcasına döyüüb. Buna jurnalistin Facebook-da futbolçunun hərəkətlərini tənqid etməsi səbəb olub.
Ağır xəsarət alan jurnalist 1 saylı Şəhər Kliniki Xəstəxanasına yerləşdirilib və bir gündən sonra orada dünyasını dəyişib.
Bakı prokurorluğunun məlumatına görə, jurnalistin ölümündə əli olan beş müttəhimin barəsində iş mhkməyə göndərilib. İş üzrə keçən Kənan Mədətov, Camal Məmmədov və Samir Mustafayev CM-in 126.3-cü maddəsi (sağlamlığa qəsdən zərər vurma ölümlə nəticələnmə) ittiham olunurlar.
Digər iki müttəhim – Elşən İsmayılov və Arif Əliyev həmçinin oğurluqda (CM-in 177.1-ci maddəsi) ittiham olunurlar.
Futbolçu C.Hüseynovun barəsində iş ayrıca icraata götürülüb və başa çatmaq mərhələsindədir. İdmançı CM-in 307.1-ci maddəsi (hazırlanmaqda olan cinayət barədə məlumat verməmək) və 307.2-ci (cinayətin gizlədilməsi) maddələri ilə ittiham olunur.
Lakin müdafiə tərəfi hesab edir ki, cinayətin təşkilatçısı məhz C.Hüseynovdur. Jurnalistin ailəsinin vəkili Əsabəli Mustafayev onun barəsində işin ayrıca icraata götürülməsini qanunsuz hesab edir.
Ötən həftə jurnalistin valideynləri ölkə prezidentinə müraciətlə obyektiv araşdırmanın təmin olunmasını xahiş ediblər, belə ki, prokurorluq futbolçunu “müdafiə edir”.
Jurnalistin atası Turan-a bildirib ki, onlar müraciətə cavab almayıblar.
Cümə günü prezidentin köməkçisi Əli Həsənov sözügedən müraciəti şərh etməkdən imtina edərək bildirib ki, Rasim Əliyevin valideynlərinin müraciətindən xəbəri yoxdur.-16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz