Jurnalistin ölüm işi üzrə məhkəmədə qarşıdurma
Çərşənbə axşamı Bakı Ağır Cinayətlər Məhkəməsində jurnalist Rasim Əliyevin ölüm işi ürə prosesdə qarşıdurma yaranıb. Jurnalistin ölümündə ittiham olunanların valideynləri hakimin xəstəxana həkimlərini çağırmaqdan imtina etməsindən hiddətləniblər. Onlar qışqırıb stulları ataraq həkimlərin çağırılmasını və jurnalistin ölüm səbəbinin araşdırılmasını tələb ediblər.
Məhkəmə nəzarətçiləri valideynləri sakitləşdirmək üçün gözyaşardıcı qazdan istifadə ediblər.
R.Əliyevin ailəsinin maraqlarını müdafiə edən vəkil Fariz Namazlı Turan-a bildirib ki, bu gün dörd şahid ifadə verib. Sonra vəkil həkimlərin məhkəməyə çağırılması barədə vəsatət qaldırıb. Lakin hakim Eldar İsmayılov vəsatəti təmin etməyib ki, bu da müttəhimlərin valideynlərinin qəzəbinə səbəb olub. Proses fevralın 9-na təyin edilib.
Bundan sonra müttəhimlərin valideynləri və qohumları Prezident Administrasiyasına şikayətə gediblər. Onlar getməzdən öncə məhkəmənin gedişindən narazılıqlarını bildiriblər və onu sifarişli adlandırıblar. “Hakimiyyət burada şou düzəldib, hər şey əvvəldən məlumdur və bizim uşaqlarımızı törətmədikləri cinayətə görə həbs ediblər”, - müttəhimlərdən birinin anası bildirib.
Rasim Əliyev 2015-ci il avqustun 8-də döyüllüb, döyülməsinə səbəb sosial şəbəkədə C.Hüseynovla söz polemikası olub. Daha sonra R.Əliyev xəstəxanaya yerləşdirilib, avqustun 9-da səhərə yaxın orada vəfat edib. Bu işlə bağlı C.Hüseynova yaxın 5 nəfər Bakı Ağır Cinayətlər üzrə Məhkəmədə mühakimə edilir.
C.Hüseynov bu cinayət işinə ağır cinayəti bilib xəbər verməmək ittihamı ilə cəlb edilib. Amma istintaqın sonuna yaxın bu iş ümumi icraatdan ayrılıb.-16D-
-
- İqtisadiyyat
- 2 Fevral 2016 13:28
-
- İqtisadiyyat
- 2 Fevral 2016 13:49
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz