Yerli KİV-də bəzi bankların, o cümlədən ötən həftə lisenziyası ləğv olunan bankların birləşmək planı barədə məlumatlar yayılıb.
İddia edilir ki, altı bankın birləşməsi nəticəsində iki bank yaranacaq. Danışıqları bir tərəfdən "NBCBank", "Kredobank" və "Parabank", digər tərəfdən "AtraBank", "Günaybank" və "Qafqaz İnkişaf Bankı" aparır. Mərkəzi Bank birləşməyə ilkin razılıq verib.
Maraqlıdır ki, ləğv edilənlərlə yanaşı, fəaliyyətdə olan bəzi bankların da məcmu kapitalla bağlı problemi var.
Bir qədər əvvəl “AGBank” ASC və “Dəmirbank” birləşmək niyyətini açıqlayıb.
Bank sektoru sahəsində hüquqşunas Əkrəm Həsənov Turan-a bildirib ki, bankların, o cümlədən lisenziyası ləğv edilən bankların birləşməsi üçün hüquqi maneə yoxdur.
AR “Banklar haqqında” qanunun 29-cu maddəsinə əsasən, bunun üçün AMB-nin yazılı razılığı yetərlidir.
Xatırladaq ki, ötən həftə AMB "NBCBank", "AtraBank", "Qafqaz İnkişaf Bankı", “Yunayted Kredit Bank” və “Gəncə Bank”ın lisenziyalarını ləğv edib. 08B
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz