Azərbaycan İpoteka Fondu (AİF) yanvarın 1-dək 17,975 min ipoteka krediti verib. Bu barədə AİF-in saytında dərc edilmiş məlumatda deyilir. Bunun 11,87%-i və ya 2 min 133 kredit ötən ilin payına düşür.
Siyahıda Bakı sakinləri liderdir. Onlara 12 min 778 (71,1%) kredit verilib. Xətai rayonunda paytaxt üzrə kreditlərin 22,5%-i verilib. Ardınca Yasamal (15,6%), Binəqədi (14,1%) gəlir. Sabunçu (4,6%), Səbail (3,7%) və Qaradağda (3%) daha az kredit verilib.
Sumqayıtda 1 min 786, Abşeronda 928, Gəncədə 706, Naxçıvanda 192 ipoteka krediti verilib.
18-30 yaşda olanlar (40,9%) daha aktivdir. 30-36 yaşda olanlar kreditlərin 32,4%, daha yaşlılar 26,7%-i alıb.
Kreditlərin 91,8%-i çoxmərtəbəli binalardakı mənzillər üçün verilib. Mənzillərin 41,8%-nin sahəsi 40-60 kv m, 30,8%-i 80 kv m-dək, 10,8%-i 100 kv m-dən çoxdur.
Vətəndaşlar ucuz – 30-60 min manatlıq (51,2%) mənzillərə üstünlük verir. Kreditlərin 39,3%-I 90 min manatadək, 5,2%-i 120 min manatadək, 2,2%-i 120 min manatadək olan mənzillər alıb.
Borc alanların 37,4%-nin gəliri 1,1 min manat, 20,7%-in gəliri 700-900 manat, 17,3%-inki 500-700 manat, 15,6%-inki 900-1100 manat təşkil edir.
AİF istiqrazlar yerləşdirməklə 390 mln manat cəlb edib, dövlət büdcəsindən 266 mln alıb.
AİF 2006-cı ilin martında ipoteka kreditlərinin verilməsinə başlayıb.Azərbaycanda sosial ipotekanın verilməsinə 2007-ci ildən başlanılıb və 6 ay davam edib. AİF 2009-cu il iyunun 1-dən 28 agent bank vasitəsilə kommersiya şərtləri ilə ipoteka kreditlərinin verilməsi prosesini bərpa edib. Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir. Kreditin maksimum həcmi 50 min manatı keçməməlidir. Kredit illik 8%-dən çox olmayan dərəcə ilə verilir. Sosial ipotekanın maksimal məbləği 50 min manat təşkil edir, illik faiz dərəcəsi 4%-dir. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz