Jurnalistin qətlilə bağlı 6 nəfər həbs edilib

Daxili işlər naziriliyi və ölkə prokurorluğu jrunalist Rasim Əliyevin fiziki zorakılığın nəticəsi olaraq ölməsi barədə birgə məlumat yayıb.

Sənəddə R.Əliyevin avqustun 8-də Bayılda bir qrup şəxs tərəfindən döyülməsi, sonra Kliniki Tibbi Mərkəzinə (KTM) yerləşdirilməsi, avqustun 9-da orada vəfat etməsi əksini tapır.

Fakt üzrə Bakı şəhər prokurorluğunda cinayət məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda) maddəsi ilə cinayət işi başlanıb. Hüquq-mühafizə orqanları əməkdaşlarından ibarət istintaq-əməliyyat qrupu yaradılıb və adı çəkilən qətl hadisəsi dövlət başçısı İlham Əliyevin nəzarətindədir. Cinayətin qısa müddətdə açılması təmin edildiyi, şübhəlilərin istintaqa cəlb olunduqları qeyd edilir.

Sənəddə Scinayətin təmotivi belə təsvir edilir ki, “Qəbələ” futbil komandasının oyunçusu Cavid Hüseynov avqustun 6-da Bakıda Kiprin “Apollon” futbol klubu ilə oyundan sonra kiprli jurnalistlərə bəzi jestlər edib. Bu hərəkətinə görə onu şəxsi “facebook” səhifəsində tənqid edən ANN.tv-nin video-reportyoru Rasim Əliyevə zəng edərək təkzib verməsini tələb edib.Sonra C.Hüseynovun bibisi oğlu Elşən İsmayılov da R.Əliyevə zəng edərək təkzib tələb edib, aralarında mübahisə yaranıb. E. İsmayılov qisas almaq üçün Camal Məmmədov,  Arif Əliyev,  Kənan Mədətov və  Samir Mustafayevdən ibarət dəstə ilə avqustun 8-i saat 16:00  radələrində Bayıl qəsəbəsində «Bayıl market» mağazasının qarşısında R.Əliyevlə görüşüb. Dəstə üzvləri R.Əliyevə əl və ayaq zərbələri ivurmaqla daxili orqanların zədələnməsinə səbəb olan ağır dərəcəli bədən xəsarətləri yetiriblər. R.Əliyev KTM-ə çatdırılıb, müalicə və əməliyyata baxmayaraq, R.Əliyevin həyatını xilas etmək mümkün olmayıb və avqustun 9-da saat 05:00 radələrində vəfat edib.

İstintaq R.Əliyevə məxsus İPHONE-5 markalı mobil telefonu cinayətin iştirakçısı Arif Əliyevin sındıraraq Bakıxanov qəsəbəsindəki «Arzu» şadlıq sarayının yanında  zibilliyə atdığını müəyyən edib, maddi sübut kimi cinayət işinə əlavə edilib. Digər maddi sübutların da tapılması iyönündə tədbirlər görülür. 

E.İsmayılov, S.Mustafayev, C.Məmmədov, K.Mədətov və A.Əliyev cinayət məcəlləsinin 126.3-cü maddəsilə əqsirli bilinib və barələrində həbs qət-imkan tədbiri seçilib.

C.Hüseynova bibisi oğlu E.İsmayılovun təşkilatçılığı ilə ağır cinayətin hazırlanmasını bildiyi halda xəbər verməməsinə əsaslı şübhələr olduğu üçün cinayət məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddəsilə ittiham elan olunub və barəsində həbs qət-imkan tədbiri seçilib.Cinayətin C.Hüseynovun təhriki ilə törədilməsi fərziyyəsi də araşdırılır.-05D-