Bir qrup jurnalist və hüquq müdafiəçisi əsgər ölümləri ilə bağlı müdafiə naziri Səfər Əbiyevə, hərbi prokuror Xanlar Vəliyevə informasiya sorğusu göndəriblər.
Sorğularda qeyd olunur ki, 2013-cü ilin əvvəlindən 12 əsgərin qeyri-döyüş şəraitində həlak olması ilə bağlı məlumatlar böyük ictimai rezonans doğurub. Xüsusən əsgər Ceyhun Qubadovun dünyasını dəyişməsindən sonra minlərlə insanın iştirakı ilə yanvarın 12-də etiraz aksiyası keçirilmiş, aksiya iştirakçıları Qubadovun öldürüldüyünü, əsgərin meyitinin foto və video çəkilişlərin bunu sübut etdiyini və təqsirkarların məsuliyyətə cəlb olunmasını tələb ediblər. Əsgərin ölümü və aksiyanın keçirildiyi tarixlərdə ictimaiyyətə bu hadisə ilə bağlı bir sıra məlumatlar verilsə də, sonradan əsgər Qubadovun işi ilə bağlı ictimaiyyətə məlumatların verilməsi dayanıb. Əsgərin ölümündən artıq 2 ay keçsə də, ictimaiyyət üçün bir sıra suallar açıq qalır və bu sualların cavablandırılmasına böyük ictimai maraq var:
- Əsgər Ceyhun Qubadovun hansı şəraitdə və hansı səbəblərdən dünyasını dəyişməsi müəyyən edilibmi?
- Əsgər Ceyhun Qubadovun işi ilə bağlı hazırda neçə nəfər məsuliyyətə cəlb edilib və onların vəzifələri nədir?
- Əsgər Ceyhun Qubadovun işi ilə bağlı istintaq hansı mərhələdədir?
- Əsgər Ceyhun Qubadovun, o cümlədən qeyri-döyüş şəraitində əsgərlərin həlak olmasının qarşısını almaq üçün hansısa qabaqlayıcı tədbirlər yaxud hansısa addımlar planlaşdırılıbmı?
- Planlaşdırılıbsa bu nədən ibarətdir?
- Müdafiə Nazirliyinin rəhbərliyindən kimsə yaxud kimlərsə bu ölüm faktlarına görə cəzalandırılıbmı?
Sənəd müəllifləri qeyd edirlər ki, “İnformasiya əldə etmək haqqında” qanunun 24.1-ci maddəsinə əsasən informasiya sorğusu ən qısa müddətdə, lakin 7 iş günündən gec olmayaraq icra edilir.
Müraciəti hüquq müdafiəçisi Rəsul Cəfərov, jurnalistlər Mehman Əliyev, Samir Kazımlı, Natiq Cavadlı, Nicat Məlikov, Seymur Kazımov imzalayıblar. 06D--
Cəmiyyət
-
Azercell-in dəstəyi ilə fəaliyyət göstərən xidmətə ötən il ərzində 3500-dən çox müraciət daxil olub
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
Rəy yaz