Azerbaijan, the village of Alkhanly of the Fizuli region
Bakı/06.07.17/Turan: XİN, Müdafiə Nazirliyi və Baş Prokurorluq cümə axşamı Azərbaycanda akkreditasiya olunmuş xarici KİV nümayəndələrinin Füzuli rayonunun Alxanlı kəndinə səfərini təşkil ediblər.
Onlarla birlikdə Bakıda akkreditasiya olunmuş səfirliklərin 15 hərbi attaşesi də kəndə gedib.
Səfərin məqsədi jurnalistlərə və attaşelərə Ermənistan silahlı qüvvələrinin iyulun 4-də atəş açdığı mülki yaşayış məntəqəsini göstərməkdir. Həmin hadisə nəticəsində biri uşaq olmaqla iki dinc sakin həlak olub, bir nəfər isə yaralanıb.
Səfər başa çatdıqdan sonra Müdafiə Nazirliyinin mətbuat xidmətinin rəhbəri Vaqif Dərgahlı jurnalistlərə bildirib ki, hərbi attaşelər əyani şəkildə əmin olublar ki, Alxanlı kəndi yaxınlığında heç bir hərbi infrastruktur yoxdur.
"Bu, bir daha sübut etdi ki, Ermənistan tərəfi kəndə atəş açmasına bəraət kimi yanlış məlumatdan istifadə edərək, zərbə hədəfinin Azərbaycan ordusunun atəş nöqtəsi olduğunu iddia edirdi. Erməni ordusunun bu aksiyasının əsas hədəfi Azərbaycanın dinc əhalisinin məhv edilməsidir", deyə Dərgahlı bildirib.-02D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz