![Keçmiş deputat şübhəli şəxs və ya şahid qismində istintaqda dindirilir](https://turan.az/resized/750/500/resize/media/2016/main/010600142577.jpg)
Keçmiş deputat şübhəli şəxs və ya şahid qismində istintaqda dindirilir
“Globus Plaza” işgüzar mərkəzin sahibi, sabiq deputat Dünyamin Xəlilov şübhəli şəxs və ya şahid qismində istintaqda dindirilir. Bu barədə Turan-a hüquq-mühafizə orqanlarındakı mənbələrdən bəlli olub.
Mənbə D.Xəlilovun Beynəlxalq Bank işi ilə bağlı istintaqa cəlb edildiyini bildirib.
Beynəlxalq Bankın İdarə Heyətinin sabiq sədri Cahangir Hacıyev bu günlərdə 1 saylı Bakı İstintaq Təcridxanasından Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin müvəqqəti saxlama kamerasına köçürülüb.
Onun vəkili Aqil Layicov bildirib ki, Cahangir Hacıyev istintaq hərəkətləri ilə əlaqədar ora aparılıb və 10 gün orada saxlanılacaq. “Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə köçürülən gündən onun telefonla danışığına və azuqə qəbuluna qadağa qoyulub”, - o qeyd edib.
Müşahidəçilər D.Xəlilovun C.Hacıyevin yaxın əlaqələrdə olduğu adamlardan biri olduğunu güman edir. O, bir müddət öncə problemli kreditlərlə bağlı istintaqa çağırılıb.
C.Hacıyev dekabrın 5-də həbs edilib. O, Cinayət Məcəlləsinin 179.3.2 (külli-miqdarda mənimsəmə), 308.2-ci (vəzifə səlahiyyətlərindən sui-istifadə; ağır nəticələrə səbəb olduqda), 178-ci (dələduzluq), 178.3.2 (külli miqdarda ziyan vurmaqla törədildikdə), 179 (mənimsəmə və ya israf etmə), 179.2.3. (şəxs tərəfindən öz qulluq mövqeyindən istifadə etməklə törədildikdə), 309 (vəzifə səlahiyyətlərini aşma) və 312-ci (rüşvət vermə (aktiv rüşvətxorluq) maddələri ilə ittiham olunur.
Nərimanov Rayon Məhkəməsinin qərarı ilə onun barəsində 4 ay həbs qətimkan tədbiri seçilib.-03D-
-
- Cəmiyyət
- 6 Yanvar 2016 18:11
-
- İqtisadiyyat
- 6 Yanvar 2016 19:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz