![Keçmiş müstəntiq sabah yenidən çağırılaraq, prokurorluqdan sərbəst buraxılıb (Yenilənib)](https://turan.az/resized/750/500/resize/media/2016/main/021200146708.jpg)
Keçmiş müstəntiq sabah yenidən çağırılaraq, prokurorluqdan sərbəst buraxılıb (Yenilənib)
Keçmiş müstəntiq Rüfət Səfərov Baş Prokurorluq yanında Korrupsiyaya qarşı Mübarizə İdarəsində dindirildikdən sonra sərbəst buraxılıb.
Bu barədə Turan-a onun vəkili Bəhruz Bayramov bildirib. "Bu, adi istintaq hərəkəti idi. Normal qaydada keçib. Rüfət Səfərov sabah yenidən çağırılıb", deyə vəkil qeyd edib. -0-
2016 Fevral 12 (Cümə) 14:03:08
Zərdab Rayon Prokurorluğunun keçmiş müstəntiqi Rüfət Səfərov bu gün saat 14:45-də yenidən Baş Prokurorluq yanında Korrupsiyaya Qarşı Mübarizə İdarəsinə çağırılıb.
R.Səfərov parlamentin keçmiş deputatı, hakim Yeni Azərbaycan Partiyasının təsisçilərindən biri Eldar Sabiroğlunun oğludur. Ötən il E.Sabiroğlu Prezident Administrasiyasının rəhbəri Ramiz Mehdiyevi açıq şəkildə tənqid edib. Dekabrda R.Səfərov mətbuatda çıxış edərək qanunçuluğun pozulmasına və hüquq-mühafizə orqanlarının pis işinə görə hakimiyyəti tənqid edib. Bundan sonra R.Səfərov prokurorluq orqanlarından istefa verdiyini bəyan edib. Öz növbəsində prokurorluq “Rüfət Səfərovun prokurorluq işçisinə yaraşmayan hərəkətinə” görə işdən çıxarıldığını bildirib.
Yanvarın 15-də R.Səfərov rüşvət almaq ittihamı ilə həbs olunub. Lakin yanvarın 22-də həbs cəzası ev həbsilə əvəzlənib.
R.Səfərov Turan-ın müxbirilə söhbətində güman etdiyini bildirib ki, onun prokurorluğa çağırılması bu ərəfədə “Azadlıq” qəzetinə verdiyi müsahibə ilə əlaqədar ola bilər.
Onun sözlərinə görə, həbsdən buraxıldıqdan sonra 20 gün ərzində onun barəsində heç bir istintaq hərəkəti aparılmayıb.
R.Səfərov yenidən həbs olunması ehtimalını istisna etməyib.
R.Səfərovun vəkili Bəhruz Bayramov Turan-ın müxbirilə söhbətində deyib ki, onun prokurorluğa çağırılmasının səbəblərini bilmir. Lakin istintaq çərçivəsində bunu normal hesab edir.
Vəkil qeyd edib ki, R.Səfərovun yenidən həbs olunmasına əsas yoxdur, çünki o, istintaqdan yayınmayıb və gizlənməyib.–06D—
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz