Keçmiş müstəntiqin işi üzrə hazırlıq iclası

  Bu gün Lənkəran Ağır Cinayətlər Məhkəməsində Zərdab Rayon Prokurorluğunun keçmiş müstəntiqi Rüfət Səfərovun işi üzrə hazırlıq iclası keçirilib.

Vəkil Bəhruz Bayramov Turan-a bildirib ki, o, bəraətverici əsaslarla cinayət işinə xitam verilməsi barədə vəsatət qaldırıb.

Hakim vəsatəti baxılmamış saxlayıb və deyib ki, onu mahiyyəti üzrə dinləmələr başlayandan sonra müzakirə edəcək. Məhkəmə istintaqı avqustun 8-nə təyin edilib.

R.Səfərov Turan-a bildirib ki, cinayət işi saxtalaşdırılıb. Məqsəd onu vətəndaş mövqeyinə görə cəzalandırmaqdır.

Xatırladaq ki, R.Səfərov parlamentin keçmiş deputatı, hakim Yeni Azərbaycan Partiyasının təsisçilərindən biri Eldar Sabiroğlunun oğludur. Ötən il E.Sabiroğlu Prezident Administrasiyasının rəhbəri Ramiz Mehdiyevin ünvanına açıq tənqidlə çıxış etmişdi.

Dekabrda R.Səfərov qanunçuluğun pozulmasına və hüquq-mühafizə orqanlarının yarıtmaz işinə görə hakimiyyəti tənqid edərək prokurorluq orqanlarından getdiyini bildirib. Öz növbəsində prokurorluq R.Səfərovun işdən çıxarılmasını “prokurorluq işçisinə yaraşmayan hərəkət” ilə uzah edib.

Yanvarın 15-də R.Səfərov rüşvət almaq ittihamı ilə həbs olunub. Lakin yanvarın 22-də ev həbsinə buraxılıb. O, ittihamı rədd edərək cinayət işini siyasi sifariş hesab edir.—B06--