Məhkəmə ANŞ əməkdaşının teleşirkət rəhbərliyinə qarşı iddiasını təmin edib

1 saylı Bakı İnzibati-İqtisad Məhkəməsi montajçı Sərxan Vəliyevin əməkhaqqının ödənilməsi ilə bağlı ANS teleşirkətinin rəhbərliyinə qarşı iddiasını təmin edib.

İstintaq materiallarına görə, Mirşahin Ağayevin timsalında ANS rəhbərliyi kompüterçi-montajçı Sərxan Vəliveyə əməkhaqqı ödəməkdən imtina edirdi. Söhbət 2015-ci ilin aprel-may aylarına görə 870 manatın ödənilməsindən gedir.

Məhkəmə zamanı məlum olub ki, S.Vəliyev dəfələrlə müraciət edərək müqaviləyə görə ona düşən əməkhaqqının ödənilməsini istəyib. Lakin bunun əvəzinə onu işdən çıxarıblar və polislə hədələyiblər.

Uzun narahatlıqdan və hədələrdən sonra telekanal əməkdaşı məhkəməyə müraciət etməyi qərara alıb. O, əməkhaqqının ödənilməsini və öz hüquqlarının kobud pozulmasına görə mənəvi ziyanın ödənilməsini tələb edib.

Aida Hüseynin sədrliyilə ilə məhkəmə S.Vəliyevin iddiasına baxaraq onun qismən ödənilməsini qərara alıb. Belə ki, ANS S.Vəliyevə düşən ikiaylıq əməkhaqqını, faiz kimi 45 manat və məhkəmə xərclərinə görə 10 manat ödəməlidir. Eyni zamanda məhkəmə mənəvi ziyana görə ANS-dən 5000 manat tələb etməyib.

Qeyd edək ki, bu məhkəmə qərarı sıravi əməkdaşın ANS rəhbərliyi tərəfindən pozulan hüquqlarının bərpası ilə bağlı ilk belə qərardır. İndiyədək məhkəmələr bu teleşirkətə qarşı reklam haqqında qanunun pozulmasına görə cərimə qərarı çıxarırdılar. Ümumilikdə, bu cür qərarların sayı 10-a yaxındır, cərimələrin həcmi isə 160 min manat təşkil edir.-02В-