Keçmiş xarici iqtisadi əlaqələr naziri rəhbəri Nicat Quliyev Konstitusiya Məhkəməsinə müraciət edərək qanunsuz silah saxlamaqla bağlı yalan ittihamla həbs olunduğunu bildirib.
N.Quliyev Azərbaycan Konstitusiyasının
12, 24, 60, 63 və bir sıra digər maddələrinin, habelə Avropa İnsan Hüquqları Konvensiyasının 5, 6, 7, 13, 14 və digər maddələri üzrə hüquqlarının pozuldugunu bildirib. O, Konstitusiya Məhkəməsindən barəsində çıxarılmış məhkəmə qərarlarının qüvvədən düşmüş hesab edilməsini xahiş edir.
N.Quliyevə qarşı əməliyyat keçmiş Milli Təhlükəsizlik Nazirliyi tərəfindən həyata keçirilib. MTN-in Antiterror Mərkəzinin əməkdaşları məhkəmə qərarı olmadan onun həyat yoldaşı və yetkinlik yaşına çatmamış iki övladının qaldığı bağ evinə çoxsaylı silahlı qrupla gecəyarısı basqın ediblər.
Mərhum vəkil Elton Quliyev başda olmaqla N.Quliyevin vəkilləri sübuta yetirmişdilər ki, ona qarşı irəli sürülmüş ittihamlar əsassızdır, cinayət işi quramadır və “aşkar edilmiş” silahların sahibi MTN-dir.
Vəkillət MTN–nin N. Quliyevə aid etdiyi silahları istehsal edən zavoda da müraciət edərək geniş tədqiqat aparmış, mərhum E. Quliyev istehsalçı müəssisələrin yerləşdiyi Rusiyaya dəfələrlə səfər edib.
Nəticədə müəyyən olunub ki, N. Quliyevə sırınan analoji silahları MTN digər siyasi məhbusda – Gününsesi.info İnformasiya Agentliyinin baş redaktoru Pərviz Həşimlidə də “aşkar edib”.
N.Quliyev 2013–cü il avqustun 7–də həbs edilib. 3 il azadlıqdan məhrum olunub və cəza müddətini çəkib.
Yazıçı-dramaturq, Demokratik Qüvvələrin Milli Şurasının keçmiş sədri Rüstəm İbrahimbəyov bildirib ki, N.Quliyevi onunla dostluq münasibətinə görə həbs ediblər.
R.İbrahimbəyov Azərbaycan prezidenti postuna namizədliyini irəli sürdüyü vaxt N.Quliyev ona tövsiyələr verib və dəstəkləyib.
Nicat Quliyev prezident Heydər Əliyevin hökumətində Xarici İqtisadi Əlaqələr Nazirliyinə rəhbərlik edib. O, Acarıstanın prezidenti Aslan Abaşidzenin müşaviri vəzifəsində çalışıb.
N.Quliyevin ailə üzvləri Azərbaycanın dövlət himninin sözlərinin müəllifi Əhməd Cavadın nəvə və nəticələridir.—06D--
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz