Vüqar Səfərli
Bakı/21.12.21/Turan: Ləğv edilmiş KİV-ə Dövlət Dəstəyi Fondunun keçmiş rəhbəri Vüqar Səfərli 10 il və 6 ay müddətinə azadlıqdan məhrum edilib. Bu hökm dekabrın 21-də Ağır Cinayətlərə Dair İşlər üzrə Məhkəmədə oxunub. Məhkəmə onu küllü miqdarda dövlət vəsaitini mənimsəməkdə təqsirli bilib.
Onun oğurluqla məşğul olan işgüzar tərəfdaşları da azadlıqdan məhrum ediliblər.
İstintaq tərəfindən mənimsəmənin ümumi məbləği 18 milyon manat məbləğində qiymətləndirilir. Pullar Bakının Səbayel rayonunda jurnalistlər üçün yaşayış binasının tikintisi zamanı mənimsənilib.
Mənimsəmə 2015-2018-ci illərdə baş verib.
Pulların bir hissəsi Səfərliyə məxsus "Futbol+Qol" qəzetinin hesabına köçürülüb.
Mənimsəmələr ictimai tədbirlərin keçirilməsi zamanı da baş verib, onların xərcləri şişirdilib.
Məhkəmə zamanı dəfələrlə məsələ qaldırılıb ki, mənimsənilmiş vəsaitin bir hissəsi dövlət başçısının köməkçisi Əli Həsənova verilib, lakin məhkəmə Həsənovu prosesə çağırmayıb.-1602D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz