Т.Атаев на презентации
Kiyevdə �Rusiyanın Qafqaz toqquşmaları. I Pyotrdan İosif Stalinə qədər� kitabı nəşr edilib
Bakı/11.07.17/Turan: Odessada VI Beynəlxalq İslamşünaslıq Məktəbi çərçivəsində tanınmış azərbaycanlı alim Teymur Atayevin "Rusiyanın Qafqaz toqquşmaları. I Pyotrdan İosif Stalinə qədər" kitabının təqdimatı olub.
Tədbirdə Ukrayna, Polşa, Belçika və Azərbaycan nümayəndələri iştirak ediblər.
Bundan öncə T.Atayev "Siyasi islam. Kənardan gətirilmiş fenomen və ya şablon" adlı analitik araşdırma ilə çıxış edib.
T.Atayevin kitabı dünya və regional tarixin bəzi epizodlarına yeni nəzərlə baxmağa imkan verir. Burada Qafqaz ətrafında permanent geosiyasi oyunları təşkil edən neft amili xüsusi vurğulanır.
T.Atayev ХХ əsrin ilk illərində Rusiya imperiyasında vəziyyətin kəskinləşməsilə bağlı öz versiyasını irəli sürür və bunu aparıcı neft maqnatlarının mübarizəsi ilə əlaqələndirir. 1905-ci ilin ayrıca hadisələrini (rus-yapon müharibəsi, Bakıda erməni-azərbaycanlı qarşıdurmasında avqust dalğası, Rusiyanın cənub bölgəsində yəhudi qirğınları) qeyri-sabitliyin vahid zəncirinin həlqələri hesab edir.
T.Atayev I Pyotrun idarəçiliyi dövründən başlayaraq Rusiya tərəfindən ölkənin cənub sərhədlərində "xristian təhlükəsizlik kəməri"nin yaradılması; 1915-ci ildə Osmanlı imperiyasında baş vermiş hadisələr (bəziləri tərəfindən "erməni soyqırımı" kimi təqdim edilən), 1918-ci ildə Bakıda bolşevik-daşnak hərəkətverici qüvvələrinin tandemi; Şərq xalqlarının I qurultayının kommunizm cihadına çağırışı; ötən yüzilliyin ortalarında azərbaycanlı əhalinin Ermənistandan rəsmi deportasiyasının sovet hökuməti tərəfindən sanksiyalaşdırılması və digər məsələlərə də toxunur.
Müəllif Qafqaz mövzusu ilə yanaşı XIX əsrin ikinci yarısı- ХХ əsrin birinci yarısında baş vermiş mühüm geosiyasi hadisələr, 1853-1856-cı illər Krım müharibəsi, 1878-ci il Berlin konqresi, 1920-ci ildə beynəlxalq konfransın başlanması, "kürd hərəkatı"nın yaranması, Stalinin "İsrail müsibəti" və digər mözvulara da toxunur.
T.Atayevin indiki araşdırması bu ilin mayında dərc edilən "Rusiya, Ukrayna, Belarus və Baltik əraziləri uğrunda geosiyasi mübarizənin tarixindən" kitabının davamıdır. Turan agentliyi bu kitab barəsində də məlumat vermişdi.
T.Ağayevin "Rusiyanın Qafqaz toqquşmaları. I Pyotrdan İosif Stalinə qədər" kitabının Kiyevdə nəşri Bakı "İdrak" İctimai Birliyinin yardımı ilə baş tutub.
İslamşünaslıq Məktəbi "Alraid" Ümumukrayna İctimai Təşkilatlar Assosiasiyası tərəfindən təşkil edilib.-0-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz