“Bahar” əməliyyat şirkətindən xaric edilən neftçilərin bir qisminin işə bərpa olunması məqsədilə araşdırma komissiyası yaradılıb. Neftçilərin Hüquqlarını Müdafiə Komitəsinin (NHMK) sədri Mirvari Qəhrəmanlı bunu Turan-a bildirib.
Onun sözlərinə görə, tək ana, əlil uşaq, şahid ailəsi kateqoriyasından olanların yenidən işə qaytarılması gözlənilir. Komitə sədrinin fikrincə, bu, təqribən 50-yə yaxın şəxsin işə bərpası deməkdir. “Yalınz bu bilinmir ki, işçilərlə müqavilə müddəti nə qədər olacaq?”, deyə M.Qəhrəmanlı qeyd edib.
O bildirib ki, əməliyyat şirkəti işçilərlə 1 il müddətinə müqavilə imzalayıb, son vaxtlar isə ancaq 3 ay müddətinə müqavilə imzalanırdı. “Baxmayaraq ki, “Bahar” şirkət özü ARDNŞ ilə 25 il müddətinə əməkdaşlıq müqaviləsi imzalayıb, bu baxmdan öz əməkdşaları ilə 25 il müddətinə müqavilə imzalaya bilərdi”, - deyə komitə sədri irad bildirib. O, rəsmi dövlət qurumu ARDNŞ-nin idarə və müəssisələrində də işçilərlə qısamüddətli mqavilələr imzalanmasına etirazını ifadə edib.
Onun sözlərinə görə, ölkənin əmək qanunvericiliyində boşluqlar var və bu işverənlər üçün əlverişlidir. Belə ki, Əmək Məcəlləsinin 47-ci maddəsinin müəyyən bəndlərində müqavilə imzalanması tərəflərin razılaşmasını nəzərdə tutur. “Razılaşma” adı altında faktiki işçi işverənin şərtlərini qəbul etməyə razılaşır. Əmək Məcəlləsində bu xüsusların aradan qaldırılması üçün parlamentə müraciət olunması nəzərdə tutulur. -05B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz