Tütün istehsalı azalıb

2013-cü ildə Azərbaycanda tütün istehsalı 20% azalıb. Fermerlər alış qiymətindən narazıdır. İxracatçılar bu il xaricə satışı azaldıb. 

2013-cü ildə 3452 ton tütün yığılıb. Bu, 2012-ci ildəkindən 848 ton azdır, deyə Dövlətstatkomda Turan-a bildiriblər. Paralel olaraq, tütün məmulatı istehsalı 50% azalıb, idxal 11% artıb. 

2010-cu ildə Zaqataıada “İnter Tobakko” tütün emalı zavodu istifadəyə verilib. O, “Qamma ltd” şirkətini bazardan sıxışdırıb. İkinci Qəbələ tütün fermetləmə zavodunun bağlayıb. “İnter Tobakko” MMC Zaqatala və Qaxda tütün istehsal edir, qurutma gücü ildə 2000 tondur. Şəkidə tütün qəbulu və qurudulması məntəqəsinin yaradılması davam edir.    

Tütün emalı davam edir və DSK-ya görə, ötən il dekabrın əvvəli üçün 1820 ton fermentləşdirilmiş tütün istehsal edilib. Bu, 2012-ci ildəkindən 1,5% çoxdur. 

2012-ci ildə Azərbaycandan $7 680 min qiymətində 2425 ton tütün ixrac edilib. Ölkəyə 1353 ton tütün gətirilib. 2013-cü ilin məlumatları açıqlanmayıb. 

Azərbaycanda yeganə tütün məmulatı istehsalçısı “European Tobacco-Baku” MMC-dir. Ötən ilin 11 ayında o, 813,1 mln ədəd siqaret istehsal edib (406,5 mln qutu). Yerli istehsal 49,8% azalıb. Şirkət 2012-ci ildə 1,5 mln qutu siqaretin qutusunu $0,49-a satıb. 

2013-cü ilin 11 ayında Azərbaycana $306,3 mln məbləğində tütün məmulatı idxal edilib. Bu,  2012-ci ildəkindən 10,7% çoxdur. Gömrük Komitəsinin məlumatına görə, 2012-ci ildə Azərbaycana $298, 3 mln qiymətində 13,5 mlrd ədəd (674 325 000 qutu) siqaret gətirilib. Bir qutu siqaret $0,44 qiymətə bəyan edilib. Bu gün 1 qutu xarici siqaret pərakəndə satışda orta hesabla 1,20 manatdır. Siqaret idxalı hökumətə yaxın şəxslər tərəfindən inhisarlaşdırılıb.   08B