Ötən gecə Quba rayonunda xüsusi əməliyyat zamanı 4 dindar saxlanılıb. Bu barədə Turan-a yerli hüquq müdafiəçisi Avtandil Məmmədov bildirib.
Həbs edilənlər arasında onun qohumu, Rustov kənd sakini 22 yaşlı Vəfanur Məmmədov da var.
Hüquq müdafiəçisinin sözlərinə görə, V.Məmmədov gecə saat 1 radələrində öz evində qara maskalı şəxslər tərəfindən saxlanılıb. Gənci radikal vəhhabi qrupunun üzvləri ilə əlaqədə ittiham edirlər.
Lakin, A.Məmmədovun sözlərinə görə, V.Məmmədov hələ 2 ay əvvəl namaza başlayıb.
V.Məmmədov evində qumbara saxlamaqda ittiham olunur.
“Bir müddət əvvəl Vəfanurun atası saxta iş üzrə həbs edilib. Ailənin bir kisə un almağa pulu yoxdur, qumbara almaq üçün pulu haradan tapsın”, deyə A.Məmmədov bildirib.
Onun sözlərinə görə, rayon polisi əməliyyatda əli olduğunu inkar edir və dindarların saxlandığı yer haqqında məlumat yaymır.
O, güman edir ki, əməliyyat MTN tərəfindən həyata keçirilir. Hələlik MTN-dən şərh almaq mümkün olmayıb. -06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz