Vətəndaş Cəmiyyətini Müdafiə Komitəsi (VCMK) çərşənbə günü Helsinki Vətəndaş Assambleyası Milli Komitəsinin ofisində növbəti toplantısını keçirib.
Vətəndaş cəmiyyətinə basqıların xronologiyasına dair dəyərləndimə hesabatı hazırlanmasının gedişi əsas müzakirə obyekti olub. Hesabatda müstəqil QHT-lərin fəaliyyətinin dayandırılması ilə yanaşı, bu QHT-lərin təmsilçilərinin istintaqa cəlb olunması, xaricə çıxışlarına qadağa qoyulması, bu kateqoriyadan olan şxəslərin həbsxnalardakı durumları kimi cəhətlərin də əksini tapması təklif edilib.
Daha sonra komitə hesabatın tərkib hissəsi olan müstəqil vəkillərə təzyiqlər barədə bəyanat qəbul edilib.
Bəyanatda həbsə alınan vətəndaş cəmiyyəti institutları təmsilçilərini məhkəmə prosesində fəal müdafiədən məhrum etmək üçün hakimiyyətin vəkilləri təziyqlərə məruz qoyduğu qeyd olunur. İttiham olunanları müdafiəsiz qoymaq üçün hakimiyyətin vəkilləri məhkəmə prosesindən kənrlaşdırdığı nəzərə çatdırılır. Bu məsələdə Vəkillər Kollegiyasının rəsmi qurumlar əlində “alət”ə döndərildiyi deyilir. Məhz Vəkillər Kollegiyasının “xidməti” nəticəsində müstəqil vəkillərdən Xalid Bağırovun vəkillik fəaliyyətinə xitam verib, Əlaif Həsənov isə 240 saat ictimai işlərə təhkim edilib. Müstəqil vəkil Aslan İsamıylov Vəkillər Kollegiyasından xaric edilib, buna qədərsə vəkillər Namizəd Səfərov, Elçin Namazov, Qurban Məmmədov, Osman Kazımlı və s. kollegiya üzvlüyündən azad olunublar. Hüquq müdafiəçiləri Leyla Yunus və İntiqam Əliyevin vəkilləri müxtəlif bəhanələrlə müdafiədən kənarlaşdırılıblar.
Sənəddə Azərbacan postsovet məkanında əhali sayına görə ən az vəkil düşən ölkələrdən biri adlandırılır. 9 milyon yarım əhalisi olan Azərbaycanda cəmi 800 nəfər vəkil olduğu deyilən bəyanatda bunun hər 10 min nəfərə 1 vəkil düşməsi demək olduğunu xüsusi nəzərə çatdırır. Gürcüstanda hər 10 min nəfərə təqribən 8, Ermənisatnda isə 3 nəfər vəkil düşür.
Azərbaycanda vəkillərin belə azlığına baxmayaraq, onlara qarşı siyasi sifarişli “ov”un davam etdiyi bildirilir. Bundan irəli gələrək, komitə cəmiyyətə vəkillərin hüquqlarını fəal müdafiə etmək çağırışı edir. -05C-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz