QHT-lər ilk soyqırıma azərbaycanlıların məruz qaldığını deyirlər

Qarabağ Azadlıq Təşkilatı (QAT) azərbaycanlıların genosidə məruz qalmasının 110 illiyilə bağlı dəyirmi masa keçirib.

QAT sədri Akif Nağı azərbaycanlılara qarşı genosidin ilk dəfə 1905-ci il fevralın 2-də ertmənilər tərəfindən törədildiyini deyib. Bu soyqırımın Bakını, Qarabağı, Naxçıvanı, İrəvan və Zəngəzuru əhatə etdiyi vurğulanıb. Bu qırğınlar nəticəsində 50 min nəfərdən çox azərbaycanlının qətlə yetirildiyi, 20 yaşayış məntəqəsinin dağıdıldığı, 100-ə qədər azərbacanlı kəndlərində ermənilərin məskunlaşdığı qeyd olunub. Daha sonra adları çəkilən yaşayış məntəqlərində ermənilərin zorakılıqlarına qarşı faktoloji statistikasına dair rəqəmlər nəzərə çatdırılıb.  

Natiqlər dünya birliyini 110 il əvvəl baş vermiş hadisələrə qiymət verməyə, azərbaycanlıları soyqırıma məruz qalan xalq kimi tanımağa çağırıblar. Bundan irəli gələrək, natiqlər dünya birliyini “erməni soyqırımı” təbliğatına son qoymağa da çağırıblar.

Tədbirə qatılan QHT rəhbərləri 110 il öncə baş vermiş hadisələrə dair müraciət qəbul ediblər. Adı çəkilən sənədi beynəlxalq qurumlara, dünya dövlətləri parlamentlərinə, vətəndaş cəmiyyəti institutlarına göndərməyi qərara alıblar.

Çıxış edən ayrı-ayrı natiqlər müraciəti beynəlxalq qurumlara və dünya dövlətlərinə göndərməkdə məqsədin dünya birliyini 110 il öncəki hadisələrdən agah etmək olduğunu deyiblər. Bəzilərinə görə isə bu hadisə “soyqırım” məsələsinin ermənilərin təsir dairəsindən çıxması, ilk soyqırımı ermənilərin törətməsi kimi yeni dəyərləndirmə müstəvisinin yaranması deməkdir.

Dəyirmi masa iştirakçıları bu yöndə tədbirlərin keçirilməsini əhəmiyyətli sayaraq rəsmi Bakının diqqətini bu məsələyə yönəltməyi də vacib hesab ediblər. -05C-