![Kommunal xidmətlərin ödənilməsi üzrə funksiyalar ASAN xidmətə verilir](https://turan.az/resized/media/2016/main/050500155021-750-500-resize.webp)
Kommunal xidmətlərin ödənilməsi üzrə funksiyalar ASAN xidmətə verilir
Dövlət başçısının 4 may tarixli fərmanı ilə idarəetmənin optimallaşdırılması və əhaliyə xidmətin şəffaflığı məqsədilə "ASAN Kommunal" mərkəzləri yaradılır.
"ASAN Kommunal" mərkəzləri mövcud ASAN xidmətin standartları əsasında fiziki və hüquqi şəxslərə xidmət göstərəcək.
Əsasən "ASAN Kommunal" mərkəzlərində vətəndaşların telefon və ya İnternet-müraciətləri qəbul ediləcək və onlara cavab veriləcək; kommunal xidmətlər üzrə ödənişlər və banklar vasitəsilə digər ödənişlər həyata keçriiləcək
“Azərişıq” ASC, “Azərsu” ASC və “Azəriqaz” İB-yə tapşırılıb ki, "ASAN Kommunal" mərkəzlərində fiziki və hüquqi şəxslərə xidmət göstərilməsinin təmin edilməsi üçün tədbirlər görülsün.
Əsasən sadalanan təşkilatlar “ASAN Kommunal” mərkəzlərini lazımi işçi qüvvəsi, texniki və informasiya resursları ilə təmin etməli, öz funksiyalarının "ASAN Kommunal" mərkəzlərin müştəri xidmətlərinə ötürülməsini ("outsource") təmin etməli, bu mərkəzlərdə sözügedən xidmətlərin göstərilməsi ilə əlaqədar xərcləri maliyyələşdirməlidir.-02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz