Turan-ın müxbiri aprelin 6-da 10-15 yaşlarında iki oğlan və bir qız uşağını Bakının mərkəzində, Süleyman Rəhimov küçəsi 186 ünvanında açıq havada pilləkənlərin altında yatan vəziyyətdə görüb.
15 yaşlı Rüfət Turan-ın müxbirinə bildirib ki, 8 yaşından küçələrdə yaşayır. “Bizim hüquqlarımızı müdafiə edən yoxdur. İcra hakimiyyəti bizim sığınacaqla təmin olunmağımıza kömək etmir. Polis isə tutub Xızı rayonuna aparır, oradan da qaçırıq”.
Turanə adlı qız isə kimsəsiz olduğunu bildirib. Onlar insanların verdikləri pulla küçələrdə gecələdiklərini bildirib. Turan agentliyi uşaqlarla bağlı Uşaq Hüquqları üzrə Azərbaycan QHT Alyansına və Nəsimi rayon Polis İdarəsinin 22-ci Polis Bölməsinə məlumat verib.
QHT Alyansının əlaqələndirici Ruhanə Əhmədova “Amerikanın Səsi”nə deyib ki, uşaqları axtarıb tapacaqlar. “Biz müvafiq orqanlarla birgə uşaqları tapıb, uşaq evinə göndərəcəyik. Alyans bu uşaqların hüquqlarının müdafiəsini öz üzərinə götürür. Buna əmin ola bilərsiniz”, deyə o qeyd edib.
22-ci Polis Bölməsinin növbətçi hissəsindən isə bildirblər ki, uşaqlar üzrə polis inspektoru məlumatlandırılıcaq. -03B-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz