Küləkli havalar davam edəcək

Bakı/11.10.23/Turan: Sabah, oktyabrın 12-də Bakı və Abşeron yarımadasının bəzi yerlərində arabir yağış yağacağı gözlənilir.

Milli Hidrometeorologiya Xidmətinin məlumatına görə, yarımadanın bəzi yerlərində yağıntının qısamüddətli leysan xarakterli olacağı, şimşək çaxacağı ehtimalı var.

Səhər yağışın tədricən kəsiləcəyi ehtimal edilir. Günün ikinci yarısında güclü şimal-qərb küləyinin mülayim şimal-şərq küləyi ilə əvəz olunacağı gözlənilir.

Havanın temperaturu gecə 10-14 dərəcə isti, gündüz 14-17 dərəcə isti olacaq. 

Azərbaycanın bəzi yerlərində yerlərində arabir yağış yağacağı gözlənilir. Ayrı-ayrı yerlərdə leysan xarakterli olacağı, dağlıq ərazilərdə qar yağacağı ehtimalı var. Gündüz yağıntılar tədricən kəsiləcək. Şərq küləyinin arabir güclənəcəyi gözlənilir.

Havanın temperaturu gecə 9-14 dərəcə isti, gündüz 15-20 dərəcə isti, dağlarda gecə 1 dərəcə şaxtadan 4 dərəcəyədək isti, gündüz 5-9 dərəcə isti olacaq. 0