Yanvarın 25-də Kürdəxanı İstintaq Təcridxanasında saxlanılan Salyan rayon sakini Nicat İbrahimov intihar edib. O, kamerada özünü asıb. Bu barədə Turan-a Salyanda fəaliyyət göstərən Demokratiyaya Yardım qeyri-hökumət təşkilatının rəhbəri Emil Məmmədov məlumat verib.
Ədliyyə Nazirliyinin Penitensiar xidmətindən Turan-a N.İbrahimovun intihar etdiyini təsdiq ediblər. Penitensiar Xidmətin ictimaiyyətlə əlaqələr şöbəsindən Turan-ın müxbirinə bildiriblər ki, intiharın səbəbləri araşdırılır.
23 yaşlı Nicat İbrahimov ötən il dekabrın 28-də Cinayət Məcəlləsinin 234.1-ci maddəsi (Satış məqsədi olmadan qanunsuz olaraq narkotik vasitələri şəxsi istehlak miqdarından artıq əldə etmə və ya saxlama) ilə ittiham olunub. Salyan Rayon Məhkəməsinin qərarı ilə 2 il müddətinə azadlıqdan məhrum edilib. -03D-
Cəmiyyət
-
Fazil Qasımov, tanınmış alim Qubad İbadoğlu ilə birlikdə saxta pul hazırlamaqda ittiham olunan Azərbaycanlı iqtisadçı, iş üzrə digər təqsirləndirilən şəxs Anar Əliyevin, hüquq komandasını buraxmazsa, onu öldürməklə hədələdiyini iddia edib.
-
Bazar günü, yanvarın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində bəzi yerlərdə arabir çiskinli yağış yağacağı gözlənilir. Şimal-qərb küləyi əsəcək.
-
Azərbaycanın İnformasiya və Kommunikasiya Texnologiyaları Agentliyi (İKTA) ölkədə fəaliyyət göstərən internet provayderlərinin (İSP) son reytinqini açıqlayıb. Reytinqdə provayderlər iki əsas meyara — istehlakçı şikayətlərinin sayına və müraciətlərə cavab vermə sürətinə görə qiymətləndirilib. Nəticələr isə ölkənin İSP-ləri arasında keyfiyyət baxımından ciddi fərqləri üzə çıxarıb.
-
“Azercell Telekom” MMC və ADA Universiteti Fondunun əməkdaşlığı çərçivəsində həyata keçirilən “İdeya İnkubasiyası Proqramı”nın növbəti mərhələsi start götürüb. Ötən ildən etibarən uğurla davam edən bu proqram Azərbaycanın startap ekosisteminin gücləndirilməsinə, gənc mütəxəssislərin İT və İKT sahələrində inkişafına dəstək olmaq məqsədini daşıyır. Bu il “İdeya İnkubasiyası Proqramı”nda tələbələrdən ibarət 10 komanda birincilik uğrunda yarışacaq.
Rəy yaz