Lamiyə Quliyevanın işi üzrə təkrar məhkəmə başlayıb
Bu gün Bakı Apellyasiya Məhkəməsində həbsdə olarkən təkrarən cəza alan və orada uşaq dünyaya gətirən Lamiyə Quliyevanın işi üzrə hazırlıq iclası keçirilib.
2003-cü ildə Lamiyə Quliyeva Şəmkir rayonunun keçmiş icra başçısı Aslan Aslanovun oğlunun qətlinə görə 10 il müddətinə azadlıqdan məhrum edilib.
Real həbs müddəti 2013-cü ildə başa çatıb. Lakin 2012-ci ildə Quliyeva barəsində yeni hökm – 317.2-ci (cinayət-icra müəssisələrinin və ya istintaq təcridxanalarının normal fəaliyyətini pozma) maddə ilə 5 il 6 ay müddətinə azadlıqdan məhrumetmə hökmü çıxarılıb.
Beləliklə, Quliyevanın ümumi həbs müddəti 15 il yarım təşkil edib.
Apellyasiya şikayətinə Quliyevaya “həddindən artıq sərt cəza verilməsi” ilə bağlı prokurorluğun etirazı ilə baxılır.
Quliyeva məhkəmə zalına uşağı ilə birlikdə gətirilib. O bildirib ki, uşağı “məcburən” dünyaya gətirib.
“15 yaşımdan həbsdəyəm. Cinayət törətmişəm, bunun səbəbi var idi. Yeniyetmə yaşımdan həyatımı pozublar, buna görə bu addımı atmışam”, deyə Quliyeva bildirib.
O deyib ki, prezidentdən, cəmiyyətdən, prokurordan onu bağışlamağı və həbsdən azad etməyi xahiş edir.
Vəkil Mehdiyev Quliyevanın həbsdən azad edilməsi və işə qismi məhkəmə istintaqı ilə baxılması haqqında vəsatət qaldırıb.
Lakin məhkəmə vəsatətləri təmin etməyib və işə mahiyyəti üzrə baxılmasını fevralın 20-nə təyin edib.
Quliyevanın həbsdə uşaq dünyaya gətirməsi faktı ictimailəşdikdən sonra bu işə ictimai diqqət cəlb olunub. KİV-də onun qisas məqsədilə zorlandığı haqqında ehtimallar səslənib. Hüquq-mühafizə orqanları bunu təkzib edirlər, amma nikahda olmayan qadının təcridxanada necə uşaq dünyaya gətirə bildiyini aydın şəkildə izah edə bilmirlər.
Bu işə onun qətlə yetirdiyi Ruslan Aslanovun atası, Şəmkir rayonunun keçmiş icra başçısı, sonradan isə kənd təsərrüfatı nazirinin müavini olan Aslan Aslanov tərəfindən mümkün qisas faktı bu işə fitnə qatır. -03С06-
-
- İqtisadiyyat
- 13 Fevral 2015 13:03
-
- İqtisadiyyat
- 13 Fevral 2015 15:18
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz