Oktyabrın 20-də Bakı Apellyasiya Məhkəməsi Leyla və Arif Yunusların barəsindəki cinayət işini tədqiq edilməsi üçün Bakı Ağır Cinayətlər Məhkəməsinə göndərib. Buna vəkil Elçin Sadıqovun Bakı Ağır Cinayətlər Məhkəməsinin protokolları ilə bağlı qeydləri səbəb olub. Vəkil protokolların tərtibində qeyri-dəqiqliyə yol verildiyi ilə bağlı qeydlər verib.
Hakim Vüqar Məmmədov ilkin baxış iclasını qeyri-müəyyən vaxtadək təxirə salıb.
Leyla və Arif Yunuslar yenə səskeçirməz şüşə qəfəsə (akvarium) salınıb. Qəfəsin qarşısında 25-dən çox nəzarətçi düzülüb, zalda oturanlar Yunusları görə bilməyiblər. Zalda olanlar yüksək səslə nəzarətçilərin hərəkətinə etiraz ediblr. Hakimlər də özlərini bir qədər dözümsüz aparıblar. Onlar əllərini stola vurmaqla zalı sakitləşdiməyə cəhd ediblər.
L.Yunus bundan öncəki məhkəmə iclasları zamanı zala daxil olarkən şüşə qəfəsə qədər olan bir neçə metrlik məsafədən istifadə edərək bir neçə sözdən ibarət bəyanatla çıxış edə bilirdi. Bu dəfə məhkəmə iclasında iştirak edəcək jurnalistləri və müşahidəçiləri 2-ci zalda oturdublar. Leyla və Arif Yunuslar 1-ci zalda şüşə qəfəsə salındıqdan sonra müşahidəçilər və jurnalistlər 1-ci zala dəvət edilib. Beləliklə, Yunusların bəyanat vermək imkanı da əlllərindən alınıb.
Bakı Ağır Cinayətlər Məhkəməsi 2015-ci il avqustun 13-də Leyla Yunusa 8,5 il, Arif Yunusa 7 il həbs cəzası verib. Leyla və Arif Yunuslar 2014-cü ilin iyulunda həbs olunublar. Onlar dələduzluq, qanunsuz sahibkarlıq, vergidən yayınma və sənədlərin saxtalaşdırılmasında ittiham olunurlar. Yunuslara qarşı dövlətə xəyanət ittihamı ayrıca icraata götürülüb.
Yunuslar ittihamları qəbul etmir və siyasi sifariş adlandırır. Leyla və Arif Yunuslar Amnesty İnternational tərəfindən “vicdan məhbusu” elan ediliblər.-03C-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz