Çərşənbə axşamı Müsavat Partiyası REAL Hərəkatının sədri, həbsdə olan İlqar Məmmədova fiziki zorakılıq edilməsilə bağlı bəyanat yayıb.
Sənəddə bildirilir ki, 2 saylı həbsxanada saxlanılan İ.Məmmədova qarşı zorakılıq törədilib. Müəlliflər vəkilə isnadən həbsxana rəhbərliyinin göstərişi və təşkilatçılığı ilə İ.Məmmədovun döyüldüyünü bildiriblər.
Sənəddə İ.Məmmədovun “İsmayıllı işi” ilə bağlı günahsız həbs edilməsinin yerli və beynəlxalq ictimaiyyətə tam aydın olduğu vurğulanır. Avropa məhkəməsinin onun dərhal azad olunması barədə qərarının olduğu xatırladılır.
Müəlliflər siyasi sifariş əsasında həbs edilən İ.Məmmədova qarşı təzyiqlərə son qoyulmasını, ona qarşı qanunsuzluqlara yol verən və buna şərait yaradan şəxslərin məsuliyyətə cəlb olunmasını, İlqar Məmmədovun azadlığa buraxılmasını tələb edirlər.-05D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz