Hüquq müdafiəçisi Leyla Yunus 6 gün Bakı İstintaq Təcridxanasının sanitariya hissəsində qaldıqdan sonra dünən yenidən adi kameraya köçürülüb. Bu barədə Turan-a vəkil Elçin Qəmbərov bildirib.
Onun sözlərinə görə, L.Yunusa bildiriblər ki, o, artıq “sağlamdır”. Amma L.Yunus sanitariya hissəsində olduğu müddət ərzində səhhətində heç bir irəliləyiş olmayıb.
“Onun səmərəli və uzunmüddətli müalicəyə ehtiyacı var”, deyə vəkil bildirib.
Xatırladaq ki, L.Yunus alman həkim, professor Kristian Vittin müayinəsindən sonra sanitar hissəyə keçirilib.
O, hepatit C, şəkərli diabet və digər xəstəliklərdən əziyyət çəkir.
Onun həyat yoldaşı Arif Yunus hipertoniyadan əziyyət çəkir və həbs və məhkəmə ərzində dəfələrcə hipertoniya böhranı keçirib. Hökm çıxarıldıqdan sonra onun səhhəti haqqında məlumat almaq mümkün olmayıb.
* Leyla və Arif Yunus bir il əvvəl həbs edilib. Avqustun 13-də məhkəmə onları iqtisadi cinayətlərdə ittiham edərək, 8,5 və 7 il müddətinə azadlıqdan məhrum edib. Onlar ittihamları təkzib ediblər və cinayət işinin siyasi motivli olduğunu bildiriblər. ABŞ, Böyük Britaniya, Avropa Şurası, Aİ, Avropa Parlamenti və bir çox beynəlxalq hökumət təşkilatları Yunuslar barəsində hökmü pisləyib. -06D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz