Leyla Yunusun təzyiqə məruz qalması pislənilir
1 saylı Bakı İstintaq Təcridxanasında hüquq müdafiəçisi Leyla Yunusa edilən təzyiqlər kəskin tənqidlərlə qarşılanır. AXCP və Siyasi Məhbusların Hüquqlarını Müdafiə komitəsi bu gün bəyanatla çıxış ediblər.
Azərbaycan Xalq Cəbhəsi Partiyası (AXCP) Leyla Yunusun həyatına yaranan təhlükədən hədsiz narahat olduğunu bildirir və hakimiyyətdən hüquq müdafiəçisinə qarşı cinayət əməllərini dərhal dayandırmağı tələb edir.
AXCP bəyan edir ki, indiki halda Leyla Yunusla bağlı istənilən xoşagəlməz hadisəyə görə siyasi hakimiyyət və birbaşa ölkə başçısı İlham Əliyev məsuliyyət daşıyacaq.
AXCP təcridxana rəhbərliyini də xəbərdar edir ki, heç bir göstəriş, hətta İlham Əliyevin göstərişi də onları orada saxlanılan şəxslərin, o cümlədən Leyla Yunusun hüquqlarının qorunması, təhlükəsizliklərinin təmin olunması məsuliyyətindən azad etmir. AXCP təcridxana rəhbərliyini Leyla Yunusa münasibətdə cinayətə yol verdikləri və buna görə günün birində mütləq cavab verəcəkləri barədə düşünməyə çağırır.
Siyasi Məhbusların Hüquqlarını Müdafiə Komitəsinin bəyanatında isə deyilir ki, Azərbaycanın müstəqillik tarixində ilk dəfə olaraq Leyla Yunusun timsalında qadın ictimai - siyasi xadim - görkəmli hüquq müdafiəçisini şərləyib həbsə atan hakimiyyət ona qarşı olan qəzəb və qisasçılığını dəmir barmaqlılar arxasında da amansız şəkildə davam etdirir.
Komitə Əliyev rejiminin girovluğunda saxlanılan Leyla Yunusa qarşı həyata keçirilən psixoloji və zorakı təzyiqləri qətiyyətlə pisləyir, bu rüsvayçı hərəkəti edənlərin cinayət məsuliyyətinə cəlb olunmasını tələb edir.
Komitə eyni zamanda hakimiyyəti yerli və beynəlxalq təpkilərdən, o cümlədən Avropa Parlamentinin son qətnaməsindən, ABŞ prezidenti Barak Obamanın, eləcə də digər nüfuzlu beynəlxalq təşkilatların xəbərdarlıqlarından nəticə çıxarmağa, Azərbaycanı beynəlxalq aləmdən təcrid etmə siyasətinə son qoymağa, ölkədə fundamental insan hüquq və azadlıqlarına hörmət etməyə, həbsdə olan bütün siyasi məhbusları qeyd - şərtsiz azadlığa buraxmağa çağırır.
Öz növbəsində Penitensiar Xidmət Leyla Yunusun döyülməsi ilə bağlı məlumatları əsassız sayır. Xidmətin rəsmi saytının məlumatına görə, bu cür xəbərlərə son qoyulması məqsədilə Penitensiar Xidmət araşdırma aparılması üçün hüquq-mühafizə orqanlarına müraciət edib. “Bu məqsədlə təcridxananın dəhlizlərində quraşdırılmış videokameraların qeydə aldığı görüntülər prokurorluq orqanına təqdim olunacaq”.
Məlumatda həmçinin xidmətin əməkdaşı Fəqan Yaqubovun Leyla Yunusu döyməsi ilə bağlı vəkillərin ittihamı da əsassız sayılır.-03D-
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz