![Leysan yağışları Şirvan zonasına ziyan vurub](https://turan.az/resized/750/500/resize/media/2013/main/053000037981.jpg)
Leysan yağışları Şirvan zonasına ziyan vurub
Son günlər intensiv yağan yağışlar İsmayıllı, Ağsu və Göyçay rayonlarında bir sıra kəndlərə ziyan vurub
FHN-in məlumatına görə, yağıntılar nəticəsində İsmayıllı rayonunun mərkəzində bəzi ərazilər yağış suları ilə dolub. Həmin ərazilərin yağış sularından təmizlənməsi üçün əraziyə FHN-in müvafiq qüvvələri cəlb edilib.
Hazırda Dövlət Yanğından Mühafizə Xidməti və Şimal-qərb Regional Mərkəzi tərəfindən suçəkmə işləri aparılır.
Eyni zamanda Ağsu kəndlərində 50 dən çox evin zirzəmisinə, həyətyanı sahələr su ilə dolub. Ötən gecədən kəndlərə elektrik verilişi dayanıb.
Ağsu Rayon İcra Hakimiyyətindən Turan-a verilən məlumata görə, Girdiman, Aqdar və Ağsu çaylarında suyun səviyyəsi xeyli qalxıb. Güclü sel Aqdar çayı üzərindəki yardımçı avtomobil körpüsünü dağıdıb, Bakı-Şamaxı-Yevlax avtomobil yolunda nəqliyyatın hərəkəti dayanıb.
Hazırda ərazilərə baxış keçirir, dəyən ziyanı hesablayırlar.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun məlumatına görə, mayın 31-də Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Havanın temperaturu gecə 14-19, gündüz 25-30 dərəcə isti olacaq.
Rayonlarında isə mayın 31-də gündüz əsasən yağmursuz hava olacağı, lakin gecə bəzi dağətəyi rayonlarda şimşək çaxacağı, yağış yağacağı gözlənilir.. Havanın temperaturu Aran rayonlarında gecə 13-18, gündüz 25-30, bəzi yerlərdə 32 dərəcəyədək isti, dağlarda gecə 6-11, gündüz 15-20 dərəcə isti olacaq.-16D-
-
- İqtisadiyyat
- 30 May 2013 14:02
-
- Siyasət
- 30 May 2013 15:00
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz