M. Hüseynov guya E.Hüseynovun İsveçrə səfirliyində olması barədə ona istinadən deyilənləri təkzib edib (Yenilənib)

Bloger Mehman Hüseynov bəzi KİV-lərin onun güya prokurorluqda dindirmə
zamanı qardaşı, Reportyorların Azadlıq və Təhlükəsizliyi İnstitutunun
rəhbəri Emin Hüseynovun İsveçrə səfirliyində gizləndiyi bərədə ifadə
verməsinə dair məlumatlarını təkzib edib.
"Belə bir şey olmayıb. Məndən "Sancağ"ın (onlayn nəşr) fəaliyyəti
barədə və Emini axırıncı dəfə nə vaxt gördüyümü soruşdular, - deyə
M.Hüseynov Turan-a bildirib.
O qeyd edib ki, qardaşı E.Hüseynovun harda olmasına dair məlumatı yoxdur. —06D-

2014 Oktyab 27 (Bazar ertəsi) 22:16:06

Oktyabrın 27-də bloqqer Mehman Hüseynovu polis saxlayıb. O, Ağır Cinayətlərə Dair İşlər üzrə İstintaq İdarəsinə gətirilib.

Mehman Hüseynovun AzadlıqRadiosuna dediyinə görə, istintaqda ondan «Sancaq» dərgisi və qardaşı Emin Hüseynov haqda soruşublar.

Emin Hüseynovun direktoru olduğu Reportyorların Azadlıq və Təhlükəsizliyi İnstitutunun (RATİ) ofisində prokurorluq əməkdaşları axtarış aparıblar. Ofisin qapıları möhürlənib. Emin Hüseynovun harada olmasa barədə məlumat yoxdur.