
Mahiyyəti bəlli olmayan «qismən» təminetmə
Ali Məhkəmə Leyla və Arif Yunusların vəkillərinin Apellyasiya Məhkəməsinin qərarından şikayətlərini qismən təmin edib. Bu haqda Turan-a vəkil Elçin Sadıqov bildirib.
“2015-ci ilin avqustunda Bakı Ağır Cinayətlər Məhkəməsi Leyla və Arif Yunusların müvafiq olaraq 8 il yarım və 7 il müddətinə azadlıqdan məhrum olunmaları qərarı çıxarıb. Müdafiə tərəfi Apellyasiya şikayəti verərək, hökmün ləğv olunmasını və hər iki məhbusa barəət verilməsini tələb edib. Bakı Apellyasiya Məhkəməsi isə azadlıqdan məhrumetmə qərarını şərti cəza ilə əvəz edib və bizim bu qərardan Ali Məhkəməyə kassasiya şikayətimizə cavab olaraq Ali Məhkəmə şikayəti qismən təmin etmək qərarı verib”.
Vəkil Əfqan Məmmədov şikayətin qismən təmin edilməsi anlayışının arxasında nə durduğunu konkret bilmədiyini söyləyib: “Bizə qərarı verməyiblər, qərarda nə yazılıb, onu da bilmirik, ancaq bilinən budur ki, Ali Məhkəmə şikayəti qismən təmin edib”.
Ə.Məmmədov bunu da deyib ki, Ali Məhkəmənin bu qərarından sonra iş Apellyasiya Məhkəməsinə qaytarılacağı üçün Bakı Ağır Cinayətlər Məhkəməsinin Leyla və Arif Yunuslar barədə həbs qərarı qüvvəyə minir: “Amma inanmıram ki, onlar barəsində hər hansı təqib və ya axtarış elan edilsin. Bu, beynəlxalq hay-küyə səbəb olar. Sadəcə məhkəmə sistemi vaxt udur, yəqin ki, bir-iki il də Apellyasiya baxışı və qərarın qəbul edilməsi çəkər”.
Xatırladaq ki, tanınmış hüquq müdafiəçisi Leyla Yunus və həyat yoldaşı Arif Yunus 2014-cü ilin yayında saxlanılaraq həbsə alınıblar. Onlara qarşı Cinayət Məcəlləsinin sənədləri saxtalaşdırma, qanunsuz sahibkarlıq, səlahiyyətdən sui-istifadə ittihamları irəli sürülüb. 2015-ci ilin avqustunda Bakı Ağır Cinayətlər Məhkəməsinin qərarı ilə L.Yunus 8 il yarım, A.Yunus isə 7 il müddətinə azadlıqdan məhrum edilib. 2015-ci ilin dekabrında Bakı Apelyasiya Məhkəməsi azadlıqdan məhrumetmə cəzasını şərti cəza ilə əvəz edib. 2016-cı ilin martında isə Leyla və Arif Yunuslar müalicə məqsədilə ölkəni tərk ediblər. -0-
-
- Cəmiyyət
- 27 Dekabr 2016 17:07
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz