Çərşənbə axşamı Milli Məclisin İntizam Komissiyasının iclasında deputat Astan Şahverdiyevin yolverilməz ifadələri məsələsinə baxılıb.
MM saytında yer alan məlumata görə, Şahverdiyev Rusiyada və digər ölkələrdə yaşayan azərbaycanlıları narahat edən ifadələri ilə bağlı təəssüfünü bildirib.
O, səhvini başa düşdüyünü deyib və ölkə vətəndaşlarından və xaricdə yaşayan bütün azərbaycanlılardan üzr istəyib.
İntizam Komissiyasının çıxış edən üzvləri Şahverdiyevin ifadələrini yolverilməz adlandırıblar, ona Azərbaycan xalqından bir daha üzr istəməyi tövsiyə ediblər.
Deputat bütün qınaqları qəbul edib və üzr istəməyi vəd edib.
Xatırladaq ki, dekabrın 22-də Şahverdiyev elektrik enerjisinin kəsilməsi ilə bağlı etiraz aksiyası keçirən Cəbrayıl qaçqınlarını “törtöküntü”, “əyyaş” və “narkoman” adlandırıb.
Deputat həmçinin Rusiyada bazarlarda işləyən azərbaycanlıları da “tör-töküntü” adlandırıb.
Bu ifadələr İnternetdə narazılıqlara səbəb olub, Rusiyada yaşayan bir çox azərbaycanlılar deputatın cəzalandırılmasını tələb ediblər.
Azərbaycanın özündə də reaksiya buna bənzər olub, bir neçə deputat öz həmkarlarının ifadələrini kəskin şəkildə pisləyiblər. -05D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz