Bu gün Bakı Apellyasiya Məhkəməsində hüquq müdafiəçiləri Leyla və Arif Yunusların şikayəti üzrə ibtidai icls keçirilib. Belə ki, onların müalicə üçün Azərbaycandan çıxmasına qadağa qoyulub.
Xüsusi icazə üçün sorğu cütlüyün cinayət cəzasına məhkum olunması ilə əlaqədardır.
Leyla və Arif Yunuslar 2014-cü ilin iyul-avqust aylarında həbs olunublar. 2015-ci ildə əmlakları müsadirə olunmaqla 8,5 və 7 il müddətinə azadlıqdan məhrum ediliblər. Həbsdən sonra Apellyasiya Məhkəməsi A.Yunusun, sonradan isə L.Yunusun barəsində hökmü beş il müddətinə “şərti” cəza ilə əvəzləyib.
A.Yunus bir neçə dəfə hipertonik krizis keçirib. L.Yunus hepatit C, şəkər və həbsdən sonra kəskinləşmiş digər xəstəliklərdən əziyyət çəkir.
Lakin Yasamal Rayon Məhkəməsi onların ölkədən çıxışına icazə verməyib.
Vəkil Elçin Sadıqov Turan-a bildirib ki, martın 4-də iclas zamanı ərizəçilərin anket məlumatları yoxlanılıb, apellyasiya şikayətinin qanunauyğunluğu yoxlanılıb.
Məhkəmə şikayəti baxılmaq üçün qəbul edib və mahiyyəti üzr dinləmələri martın 11-nə təyin edib.
E.Sadıqovun sözlərinə görə, beynəlxalq ekspert L.Yunusun təcili əməliyyat edilməsi və
A.Yunusun stasionar müalicəsinin vacibliyi haqda rəy verib.
Ölkədən çıxışa qadağa qoyulması ağır xəstə ərizəçilərə münasibətdə Avropa İnsan Hüquqları Konvensiyasının 3-cü maddəsinin (işgəncələrin qadağan edilməsi) pozulmasıdır.
“Ümid edirik ki, Apellyasiya Məhkəməsi onların şikayətini təmin edəcək”, - E.Sadıqov vurğulayıb.—06D—
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz