Maska taxmamağa görə cərimə tətbiq ediləcək

Bakı/30.05.20/Turan: Azərbaycanda qapalı ictimai məkanlarda və açıq havada insanların toplaşdığı yerlərdə qoruyucu maskaların taxılmamasına görə inzibati cərimələrin müəyyən edilməsi planlaşdırılır. Bu barədə Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Onun sözlərinə görə, tibbi, toxunma maskaların, respiratorların məcburi taxılması əhalinin koronavirusdan qorunması üçün vacibdir. Müvafiq təklif parlamentə verilib. Lakin R.Bayramlı cərimələrin hansı həcmdə olacağını dəqiqləşdirməyib.

O, koronavirusa yoluxmanın kəskin artmasını sosial məsafəyə riayət edilməməsi və qoruyucu vasitələrdən istifadə olunmaması ilə izah edib. R.Bayramlı yoluxma artacağı təqdirdə karantin tədbirlərinin istirahət günlərində sərtləşdiriləcəyini istisna etməyib.

Onun sözlərinə görə, yoluxmuş vətəndaşlar arasında bu yaxınlarda Vətənə qayıdan vətəndaşlar çoxluq təşkil edir.

Hazırda karantinada 800-ə yaxın adam var.

Yoluxma ocaqları kənd yerlərində daha çoxdur, belə ki, dəfn mərasimlərinə qadağaya məhəl qoyulmur, odur ki, ən çox yoluxma faktı var.

Hazırda Azərbaycanda koronavirus xəstələrinin müalicəsi üçün 5 min çarpayılıq yer var. Mobil xəstəxanaların işə salınması çarpayıların sayını 7 minə qədər artırmağa imkan verəcək.

Ümumiyyətlə, səhiyyə sistemi xəstələrin müalicəsinin öhdəsindən gəlir və bu, ağır və orta ağır xəstələrin sayının az olmasında özünü göstərir,  orta hesabla sutkada 100-ə yaxın xəstə.

Xatırladaq ki, hazırda karantin və sanitariya rejimlərinin pozulmasına görə məsuliyyət fiziki şəxslər üçün 100-200 manat (60-120 dollar), vəzifəli şəxslər üçün 1 500 manatdan 2 000 manatadək (900-1200 dollar), hüquqi şəxslər üçün 2 000 manatdan 5 000 manatadək (1200 - 3000 dollar) cərimə nəzərdə tutur.

Vəziyyətdən asılı olaraq qaydanı pozan şəxs 30 günə qədər inzibati qaydada həbs edilə bilər. –06D-