Bakı/05.07.17/Turan: Bakının Nizami rayonundakı peşə litseyində məskunlaşan məcburi köçkünlər məişət şəraitinin dözülməz olmasından şikayətlənirlər.
Binada Zəngilan və Cəbrayıl rayonlarından 30-dən çox ailə yerləşib.
Köçkünlərdən biri Narçiçək Behbudova 1994-cü ildən yataqxananın zirzəmisində yaşayır.
Əvvəlcə həmin yer yaşamaq üçün tamamilə yararsız olub. Qaçqınlar özləri oranı bir az düzəldiblər.
"Prezidentin bizim yaşayışımızdan xəbəri yoxdur. Ona bizim bu vəziyyəti lazımi orqanlar çatdırmır", - N.Behbudova bildirib.
Qənirə Qurbanova 21 ildir ki, həmin yataqxanada yaşayır. O, qaz təchizatının və sanitar-texniki şəraitin pis olmasından şikayətlənib. 4 nəfərlik ailə kiçik otaqda yaşayır.
Zəngilan köçkünü Svetlana Qarayeva deyib ki, hər il Qaçqınlarla İş üzrə Dövlət Komitəsi hər il orada yoxlama aparır. Sonuncu dəfə qurumun iki gənc əməkdaşı köçkünləri yalanda ittiham edib. Onların sözlərinə görə, köçkünlər hakimiyyəti aldadırlar. Onların fikrincə, belə şəraitdə insan yaşamaz.
S.Qarayeva qeyd edib ki, məmurlar yataqxanada iki dəqiqə dayana bilməyiblər, halbuki, bu insanlar 20 ildən çoxdur ki, burada yaşayır.-06D--
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz