![Açiq mənbələrdən foto.](https://turan.az/resized/media/2023/main/110600069024-750-500-resize.webp)
Açiq mənbələrdən foto.
Mədəniyyət Nazirliyi "Təkərli Kitab Dükanı" layihəsini beynəlxalq sərgiyə buraxmayıb
Bakı/06.11.23/Turan: "Təkərli Kitab Dükanı" Bakı Beynəlxaq Kitab Sərgisində iştirakı Mədəniyyət Nazirliyi tərəfindən qadağan olunduğu deyilir.
Bu barədə həmin sosial layihənin rəhbərlərindən biri olan "Ali&Nino" kitab mağazalar şəbəkəsinin sahibi Nigar Köçərli məlumat verib.
Onun sözlərinə görə, kitab sərgisində iştirak etmək üçün "Ali&Nino" 74 kv.m stendə görə Mədəniyyət Nazirliyinə 12000 manat pul ödəyib: "Sadəcə biz fikirləşdik ki, sosial layihə olan və avtomobildə yerləşən "Təkərli Kitab Dükanı"nın da təqdimatını etsək, pis olmaz. Hətta fikirləşdik ki, bəlkə onları satış sözü narahat edər və satışdan da imtina edərək sadəcə sərgi salonunun parkinqində bir neçə saat maraqlı təqdimat keçirmək istədik. Təəssüf ki, qəti yox dedilər".
N.Köçərli qeyd edib ki, nazirlikdən imtina səbəbini açıqlamayıblar: "Sadəcə icazə yoxdur dedilər. Ümumiyyətlə bu, sosial layihədir və biz nazirlikdən nə pul istəyirik, nə kömək istəyirik. Kömək etmirlərsə, heç olmasa mane olmasınlar".
Onun sözlərinə görə, sosial layihənin məqsədi insanları kitaba daha yaxın etməkdir, kitabsız qalan ucqar bölgələri kitabla təmin etməkdir, uşaqları sevindirməkdir.
Layihənin yaradıcıları "Ali&Nino" kitab mağazalar şəbəkəsinin sahibi Nigar Köçərli və "Qanun" nəşriyyatının direktoru Şahbaz Xuduoğludur.
Mədəniyyət Nazirliyindən Turan-a "Təkərli Kitab Dükanı"nın Bakı Beynəlxaq Kitab Sərgisində iştirakına icazə verilmədiyini təsdiqləyiblər və səbəblərlə bağlı açıqlama veriləcəyini bildiriblər. 0
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz