Media icmal-23.07.23

Ölkədə FHN-in əhaliyə müraciəti, Şuşada fotoqraflar üçün keçirilən masterklas, Ukrayna prezidentinin Azərbaycana təşəkkürü,MİQ imtahanından olan narazılıqlar, Bakıda media ilə bağlı sorğu bu gün (23.07.2023) üçün mediada gündəm mövzulardan olub.

“Anews.az” saytında “FHN gözlənilən hava şəraiti ilə əlaqədar əhaliyə müraciət edib” sərlövhəli məqalədə gələcək 3 gün olacaq hava şəraiti ilə bağlı FHN etdiyi xəbərdarlıqdan danışılır. Müəllif qeyd edir ki, iyulun 24-dən 26-dək ölkə ərazisində hava şəraitinin qeyri-sabit keçəcəyi, güclü külək əsəcəyi, ayrı-ayrı yerlərdə leysan xarakterli intensiv yağış yağacağı, bəzi dağ çaylarından qısamüddətli sel və daşqın keçəcəyi, şimşək çaxacağı proqnozlaşdırılır. Məqalədə güclü küləklə əlaqədər bir çox əməl olunmalı qaydalar qeyd olunub. Qaydalar haqqında geniş açıqlamalar verilib.

525-ci qəzet saytında “Şuşada fotoqraflar üçün master klass keçirilib” sərlövhəli məqalədə  rusiyalı fotojurnalist Sergey Kivrin tərəfindən  yerli fotoqraflar üçün keçirilən master klass haqqında danışılıb. Müəllif təlimdə 12 gənc fotoqrafın iştirak etdiyini qeyd edib. Məqalədə təlimin gedişatı və yerli fotoqrafların sərgilənən fotoları haqqında məlumat verilib.

Amerikanın səsi saytında “Ukrayna Prezidenti humanitar yardımlara görə Azərbaycana və digər ölkələrə minnətdarlığını bildirib” sərlövhəli məqalədə Ukrayna Prezidenti Volodimir Zelenski humanitar yardıma görə etdiyi təşəkkür haqqında danışılıb. Müəllif qeyd edir ki, Prezident video müraciət və Twitter hesabında yazılı formada təşəkkür edib. Məqalədə Zelenskinin həmçinin Koreyaya, İsveçə, Yaponiyaya, Avstraliyaya, Kanadaya, Birləşmiş Krallığa, ABŞ-a, Almaniyaya yardımlarına görə minnətdarlığını bildirdiyi qeyd olunub

Sosial media

Azadlıq radiosu

MİQ imtahanından narazılar: "Ortada səlahiyyətli şəxslərin biznes maraqları olunca...."- başlıqlı video material paylaşılıb. Materialda imtahanda iştirak edənlərin narazılıqlarına diqqət çəkilib. Bir neçə iştirakçı ilə qısa müsahibə aparılaraq problemlərin nədə olduğu göstərilib. Əsas narazılıqlar Sualların səviyyələrə bölünmədən hazırlanması, vaxt məhdudiyyəti, suallarda olan məzmun və orfoqrafik səhvlərin olması ilə bağlı olub.

Medianın olmazsa olmazı nədir? Sualı ətrafında sorğu keçirilib. – Verilən cavablar müxtəlif olub. İnsanlar əsasən hər kəsin jurnalist ola bilməsi, jurnalistlərin azad olmaması, maddi çətinliklərin olması, savadlı jurnalistlərin azlığı, sifarişli yazıların yazılması  ilə bağlı narazılıqlarını qeyd edib.

MeydanTV

Darlıq kəndi – Video materialda Cəlilabad rayonunun Darlıq kəndinin şəraiti haqqında məlumat verilib.Müəllif  həmin kəndə ancaq xüsusi maşınla getməyin mümkün olduğunu qeyd edib. Kənd əhalisi narazılıqları ilə bağlı müsahibə verib. “Nə yolu, nə qazı, nə də suyu olan bu kəndin əhalisi prezidentdən də, ailəsindən də razı olduğunu söyləyir. Kəndliləri narazı salan şey prezidentin onlardan xəbər tutmamasıdır”.