Media icmalı – 03.09.2023

Ölkədə ermənilərin uzunmüddətli fortifikasiya qurğularını quraşdırma cəhdləri, “Kibermüharibə” yarışı, hazırki Ermənistan-Azərbaycan arasındakı münasibətlə bağlı analiz yazısı, Hikmət Hacıyevin görüşü, İsveçdə Qurani-Kerimin yandırılması bu gün (03.09.23) üçün əsas müzakirə olunan mövzulardan olub.

Bizim yol saytında yayımlanan “Qanunsuz erməni yaraqlılarının fortifikasiya qurğuları quraşdırması cəhdinin qarşısı alınıb” sərlövhəli yazıda ermənilərin cəhd etdiyi təxribat haqqında yazılıb. Müəllifin sözlərinə görə qeyri-qanuni erməni silahlı dəstələri Azərbaycan Ordusunun Xocalı rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər. Amma bunun qarşısı alınıb.

"Sentyabrın 3-ü saat 18:10 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Xocalı rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər”. – Müdafiə Nazirliyi

Trend.az saytında yayımlanan “Azərbaycanda ilk dəfə “Kibermüharibə” yarışı keçiriləcək” sərlövhəli yazıda Bakı Konqres Mərkəzində “Critical Infrastructure Defence Challenge 2023” (“CIDC-2023”) keçiriləcək tədbiri haqqında detallı məlumat verilib. Müəllifin sözlərinə görə “CIDC-2023” sahə üzrə yerli və xarici şirkətləri, dövlət və özəl sektorları, tələbə və ekspertləri bir araya toplayacaq. Müəllifin sözlərin görə təşkilatçılar tərəfindən informasiya təhlükəsizliyi üzrə təqdimat və panel müzakirələr, eləcə də ödənişsiz ixtisasartırma təlimləri təşkil olunacaq. Tədbir iştirakçıları 2 gün ərzində sözügedən təlimləri dinləmək, kibertəhlükəsizlik həlləri sərgisini ziyarət etmək, keçiriləcək yarış və virtual “quiz”lərdə iştirak etmək imkanı qazanacaqlar.

“Erməni separatizminin əcəl zəngi çalınır” sərlövhəli yazıda hazırki Ermənistan – Azərbaycan münasibəti analiz olunub. Müəllifin sözlərinə görə Xankəndindəki xuntanın artıq sabiq rəhbəri, Ermənistanın baş naziri Nikol Paşinyanın kadrı Araik Arutyunyan hakimiyyətdən "könüllü" uzaqlaşdırılandan sonra separatçılar aktivləşiblər. Müəllif yaazıda daha çox Ermənistanın münaqişədən sonrakı vəziyyətini və xarici dövlətlərin buna yanaşmasını təhlil edib. Müəllif Fransanın qeyri-şərtsiz Ermənistanı dəstəklədiyinə və Yunanıstanın yanaşmasına diqqət çəkib. “Yunanıstan ermənilərlə və Hindistanla yeni geosiyasi trio yaradaraq bu minvalla Cənubi Qafqaz regionunda ciddi imkanlara malik Azərbaycan-Türkiyə-Pakistan-İsrail dördlüyünə mane olmaq fikrindədir”. Sonda müəllif Nikol Paşinyanın İtaliyanın "La Reppublica" qəzetinə verdiyi müsahibəsi haqqında qeydlərini bildirib.

Anews.az saytında yayımlanan “Hikmət Hacıyev Türk Dövlətləri Təşkilatının baş katibi ilə görüşüb” sərlövhəli yazıda görüş haqqında məlumat verilib.  Müəllifin sözlərinə görə görüş zamanı baş katib və Azərbaycan Prezidentinin köməkçisi TDT-nin gündəliyində duran məsələləri və təşkilatın qarşıdakı tədbirlərinə hazırlıq işlərini müzakirə ediblər. Görüş Türkiyənin İstanbul şəhərində baş tutub. Müəllif qeyd edib ki, görüşdə TDT-nin Baş katibi Kubanıçbek Ömüralıyev Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev iştirak edib.

525-ci qəzet saytında yayımlanan “İsveçdə “Qurani-Kərim” yandırıldı” sərlövhəli yazıda İsveçdə baş verən hadisə haqqında yazılıb. Müəllifin sözlərinə görə İsveçin Malmö şəhərində “Qurani-Kərim”in yandırılması ilə bağlı aksiya keçirilib. Müəllif qeyd edib ki, aksiyada 200-ə yaxın insan iştirak edib. Polis aksiyada daha bir neçə nəfəri saxlayıb.

Sosial media

AzadlıqRadiosu

Bülbülə və Əmircanı 20 gündür susuz qoyan “Azərsu”: “Provokasiyadır”. –  Videoda materialda Bakı qəsəbələrində xüsusən Bülbülə və Əmircan sakinlərinin  sussuzluq problemi haqqında danışılıb. Video materialda kənd sakinləri şikayətlərini bildiriblər. Bundan əlavə müəllif ekspertlə də söhbət edib. Ekspertin fikrincə bu problemin əsas həlli Bakıda suyun düzgün idarə olunmamasıdır.  Azərsu açıqlama olaraq belə bir problemin olmadıını bildirib. Materialda bəzi arxiv görüntülərdən və məlumatlardan da istifadə olunub.

“Naxçıvandakı mövqelərimiz atəşə tutulub”-MN- Yazıda qeyd olunub ki, Azərbaycan Ordusunun Naxçıvan Muxtar Respublikasının Culfa rayonu istiqamətində yerləşən mövqeləri atəşə tutulub. Müəllifin sözlərinə görə sentyabrın 2-si saat 12:58-də Ermənistan silahlı qüvvələrinin bölmələri Qafan rayonu istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonu istiqamətində yerləşən mövqelərini atıcı silahlardan atəşə tutub.