Açiq mənbələrdən foto.
Bakı/06.09.23/Turan: Slovakiya Ağdam rayonunda “ağıllı kənd”in tikintisinə başlayacaq. Bu barədə Slovakiya parlamentinin sədri Boris Kollar Azərbaycan Milli Məclisnin sədri Sahibə Qafarova ilə görüşündə bildirib.
O deyib ki, Azərbaycana hazırkı səfər proqramında işğaldan azad edilmiş ərazilərə səfər nəzərdə tutulub.
“Ağdam rayonunun Baş Qərvənd kəndində “ağıllı kənd”in tikintisinə dair layihə sənədlərilə bağlı müqavilə imzalanacaq. Prezident İlham Əliyevlə bu layihəni müzakirə etdik. Layihə sənədləri gələn ilin fevral ayına qədər hazır olmalıdır. Azərbaycan bütün prosesi sürətləndirmək istəyir. Təxminən yazda “ağıllı kənd”in tikintisinə başlanılmalıdır”, - Kollar qeyd edib.
Azərbaycanın azad olunmuş ərazilərində ilk “ağıllı kənd” Zəngilan rayonunun Ağalı kəndində inşa edilib. Hazırda həmin yaşayış məntəqəsinə yüzdən çox ailə köçürülüb.
Rəsmi məlumatlara görə, Azərbaycanın azad edilmiş ərazilərində 1992-2020-ci illərdə erməni işğalı zamanı 900-ə yaxın yaşayış məntəqəsi dağıdılıb. 03B06
Siyasət
-
Litvanın xarici işlər naziri Kestutis Budris bazar günü Azərbaycanın xarici işlər naziri Ceyhun Bayramovla telefon danışığı apararaq Bakı-Qroznı reysi zamanı Aktau yaxınlığında baş vermiş "Azərbaycan Hava Yolları" sərnişin təyyarəsinin faciəli qəzası ilə bağlı başsağlığı verib. Bu barədə Azərbaycanın Xarici İşlər Nazirliyi məlumat yayıb.
-
Ərdəbil şəhərində bədnam İmam Amelinin təşkil etdiyi dini mərasim Türkiyə və Azərbaycan prezidentlərinin ünvanına təhqirlər mərasiminə çevrilib.
-
Bazar ertəsi Bayden administrasiyası Ukraynaya əlavə hərbi və büdcə yardımı üçün təxminən 6 milyard dollar ayrıldığını elan edib, Turan-ın müxbiri Vaşinqtondan xəbər verir.
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
Rəy yaz